Populære bibelvers fra Yɔhana 15

Del

<<Nkɔ ɔ̃rɛ laa inabi, a ɔkɔɔ ɔ̃rɛ nalaa. Shɔ gbete i kɛ ɔ̃nɛ ang bi, nkɔ ma n yɛ ɔ̃ sɔ̃njo ai bi. Ɔ yɛ rɛɛ jaa waanɛ; nkɛ ɔ̃ ɓa ɗɔmɓa ɔ yɛ pɛli viwɔɔ dɔɔɓa.

Ɔ ɓasi yuutɔ a nkɔni, nkɔ ma n yɛ ɓasi yuutɔ a ɔkɔni. Nalaa rɛɛ jaa ɓa au yuuni ɓa; setɛ ɓasinɛ a laani. Yɛ ɔ̃ sɔ̃njo nankɔ ɔ yɛ rɛɛ jaa ɓa setɛ ɔ ɔ̃tɛ a nkɔni.

Ɔ kɛ ɔ̃nɛ ang yɛti, a n ruubii kɛ ɔ̃nɛ awɔ sisɨn, kɛɗɔn vigbete ɔ kasiyɛ kpai ɔ kɛ gakinɛ, ɔ yɛ kpaatɔ.

Ɓa ɔkɔɔ ɔ lɔnrɛ ɓa, ama nkɔ lɔɔrɛ n tasɔɔ naa abi ɔ yɛrɛ ɔ rɛɛ jaa waanɛ, zɔng nɔlaa gbete yɛ ɔ̃ dangdang yɛ. kɛɗɔn maye yɛ ãwɔ ko iviya tɔ gbete ɔ kɛ gakinɛ ang nii yɛtɔ.

Ɔrinɛ pẽniba gbete ɔ yɛ tasi mɛsayi yɛ, ukɔ ɔ̃rɛ ɔ ãwɔ suru ai yuu.

Nalaa gbete ji rɛɛ jaa ɓa ang biini ɓa, yɛ koli kati a ɓili, u tɔ̃ri nalaa gbete rɛɛ jaatɔ tɔ̃vɨn, nɔgbete n ɗau rɛɛ jaa kɛ waanɛ.

N nya-ãsinɛ ukɔ ɔ̃rɛ nɛː ɔ ɔrii zɔtɔ, ji nagbete n ɔrɔɔ yɛ.

Maye bassinɛ yɛ tasitɔ awɔ biini naa ɔkɛ rɛɛ jaanɛ waanɛyɛ; a nyabankɔ ɔ yɛ ɔ̃kɛ n jaɗɔɔyi.

Nkɔ laa inabi nizɛ, maye ukɔ u shɔ ɓanɛ.

Shɔ gbete i ji ɔ̃ ɓa a nkɔni ɓa u pɛ naa nalaa gbete shɔ lokirɛ au waatiyɛ; nalaa watiwi shɔ tolirɛ a loki a yaa u shaarɛ.

<<N gelɔɔ vim aru n binyatɔ̃nɛ u ɔ̃ a ɔkɔɔni, a nɔgbete ɔ binyatɔ̃nɛ u ɔ̃ jo piti kpai.

Ɔkɛ gɨn n nya-ãsinɛ nɛ, ɔ yɛ ɔ̃ ang tete ɔriyɛ, ji nagbete n gɨn maye nya-ãsinɛyɛ, a n ɔ̃ au ɓuzɨn ɔrinɛ.

Shompɛ nya ãsinɛ gbete n ãsɔɔyɛ; ɔ ɔri zɔtɔ.>>

Naa ɔkɛ ɔ̃nɛ shɔ kootipimiyikɔ, shɔ gbeteyi a kotipi i yɛ ɔrɔɔtɔ aru gbete ɔ pɛyi ɓɛɛ. Ama n lɔɔ ɔpɛ a kootipimkɔ, ɔ ɓa shɔ kootipimkɔ ɓa; Arumkɔ shɔ bɛ̃ɛ̃ wɔ ruubi nɔni.