Populære bibelvers fra Yɔhana 14

Del

Vi gbete n yasɔɔyɛ ukɔ ɔ̃rɛ ɔ̃nɛbiinyatɔ̃nɛ; n ãwɔ pɛ n ɔ̃nɛbiinyatɔ̃nɛ, n ji ãwɔ ɓa nagbete kootipi ãyɛ ɓa. Ɔkɔɔ nta yukɔnɛnɛ, ɔkɔɔ nta setinɛ.

Yesɔ kasiunya nɛ,<<Nkɔng ɔ̃rɛ nyaba, a tɔ̃vɨn ãnɛ, nkɔng sɔ̃n suru; shɔwɔɔ ɓa ɗɔnni ɓa gbete yɛ to maye ɗɔbii rɛ setɛ sɔɔtɛ n ɗɔbii.

Yesɔ geliyi nɛ, <<Ɔkɔɔ yɔri yuunɛ, ɔ ã sisɨn a Ɗalapa bi wɔsɔ̃n ang bi.

Ama shɔnaapɔ̃sinɛ, Ɗa Suru, gbete Maye yɛ shoyɛ ang nii, yɛ matɔɔ vi kpai, u kpaarɔɔ sisɨn a vigbete n gelɔɔ ɓanni kpai.

<<Shɔ gbeteyi i kɛ tɛng nya-ãsinɛ nɛ, ai gɨnrɛ i ɔkɔi ɔ̃rɛ shɔ gbeteyi i ɔrintɔ. Maye yɛ ɔri shɔ gbete i ɔrin yɛtɔ, n kɔma n yɛn ɔriyitɔ n tasin yuutɔ ai biini.>>

N yɛn gaki Maye, yɛ ãwɔ shɔ naapɔ̃sinɛtɔ wɔɔtɔ, gbete yɛ ɔ̃ a ɔkɔɔni dangdang. Ukɔ pɛ Suru shɔ gbete yɛ tasɔɔ ruu tɔ̃vɨn ayuu Ɗalapa. Shɔ kootipi yɛ tɛu naa ɓa, aru i yɛ zɛu ɓa nɔni ɓa, ko i zɛurɛ. Ama ɔ zɛutɛ aru u ɗɔɔ ɔ̃nɛ a ɔkɔɔni, u awɔ bikɔ.

Vi gbete ɔ kɛ gakinɛ ang nii n yɛn pɛlitɔ aru nɔgbete shɔu tasi maye bassinɛ a Ɓɛɛ jaa bi. ko-iviya ɔ kɛ gakinɛ ang nii, n yɛn pɛlitɔ.>>

Ɔ kɛ ɔrinnɛtɔ, ɔ yɛ gɨnn nya-ãsinɛtɔ.

Jàá aɗɔn waanɛ a maye wɛrɛni, n yɛn yɛrɛ n tɔ̃rɔɔ ɗɔɔ ɔ̃nɛ tɛlɛ, si ɓa ɗɔkɔ ɓa n si gelɔɔtɛ.

Akɨnti gbete nkɛ tɔ̃rɔɔ ɗɔɔ ɔ̃nɛ nɛ, kɛɗɔn n sɔɔrɛ n tuurɛ ang yuu, aru ɗɔgbete n a ɗɔnmi ɔ ɔ̃ji ɗɔukɔ.

Kɛɗɔn Toma geliu nɛ, <<Uɓeyelapa u ji zɛ ɗɔgbete a yɛ yɛyɛ ɓa; u yɛ zɛ nyaba yɛnɛ ɗɔu kɛpikoviya?>>