Populære bibelvers fra 1 Korinti 15

Del

Gǝ na nyɔ, kɛtǝlam mɨ nɨ mǝ swɨ lɛɨ, jǝ́ tɨ nǝn kwaan, ka kaa jǝl ya mǝg jen nɛ, kwangkwang jǝ́ maa maajɨ Tɛlalɔɨ nǝn kwaan bʊtɔ, jʊ a bwɨɨ jǝ́ nyǝm gaalan jenɔ a kɛl dul Tɛlalɔɨ, mɨsɔ yɔ lɛ nǝn kwan.

Buutǝm kangɔ na a Kwaamaɨ, wʊnɨ a dǝg bǝn bǝ ku jelʌn a gola Tɛlalɔ bǝn Yesu Kiristii.

Ka ja swag jen nɛ! “Yɨm jǝbɔ nǝb bwɨlan gǝ kal kal nǝ nya.”

N lǝma Kwaamaɨ mǝ yǝlam nyɨɨ. Lǝma nɨ a maa mɨɨ, mɨ nǝn kwan. N laa ji maajɨ gwam, n ke bɔ mǝ, n lǝma Kwaamaɨ nɨ jǝbɔ mɨɨ.

“Mʊ bwaagɔ, mʊ ku jelʌn a fee? Mʊ bwaagɔ, twalǝm mʊnɔ n fee?” Bwɨlangkɛlɔ nǝn gɔ n twalǝm bwaagɨɨ. Diilɔ nǝn gɔ n kwaan bwɨlangkɛlɨ.

N wɔ mǝ sʊwa jen kaa jʊ nɨ lɛ ja yʊ yʊɨ. Ke bɔ gwam bǝnɔ bǝ bʊla lɛɨ, gwam bǝnɔ Kwaama fʌto bǝm fʌto bʊtɔgɔ. Bwɨ bwɨ nyɔ tʌgo a kang, na kʊmtǝm nu, a nyʊwatǝm guutǝm jum na gulɔ. Jǝ guu guu jumɔ, Kwaama gung gung nǝbɔ a bʊlalaɨ nǝn bʊtɔ nɨ mɨsɔ bʊta lɛ woi. Kwaama fʌto fʌto bʊtɔ bǝnɔ.

Kanga bwaagɔ a bɛ a gola nǝlɨ, guntǝmɔ a bwaaɨ bɛ a gola nǝlɨ tag. Kanga nɨ gwam bǝ bʊla a kɛl dul Adamui, na nyɔ, Kwaama fulo nǝn bǝn gwam a kɛl dul Kiristii.

Bʊtɔ nɨ bʊta lɛɨ, Kwaama fʌto fʌto nǝn bʊtɔ nɨ mɨsɔ bʊta lɛ woi. Bʊtɔ nɨ bʊla lɛɨ, Kwaama fʌto fʌto nǝn bʊtɔ nɨ mɨsɔ bʊla lɛ woi.

Jʊ a bwɨɨ Kiristi maa maa fɔlɔnɔ, ba la nǝn kwama nɨ falam nǝb kiim gǝnɔ lɛɨ. Nǝ kii na gulɔ gǝ kal lɛɨ, nǝn bwaa.