Populære bibelvers fra 1 Korinti 12

Del

Kwaama a nǝ pʌd bǝnɔ win win lǝma Yʊwa gǝnɔ, sǝ bǝ tɨkaka nǝn.

Jǝ́ bʊtɔ Kiristii, gwam jenɔ jǝ́ jinʌn gǝn.

Na jigɔ win a nyʊwa gaalanɨ, gwam jinʌnɔ a nyʊwa. Na ja bǝlá jigɔ wini, tangǝnɔ a maa fulotǝm nǝl.

A wini Kwaama a nǝ gǝn lǝma sʊwatǝm kɛl nǝn yʊlan a gola Yʊwa nɨ. A wini a nǝ gǝn lǝma sʊwatǝm kɛl nǝn nyǝmtǝm a gola Yʊwa nɨ tag. A wini a nǝ gǝn lǝma na nǝtǝm bɨlǝngkɛl a gola Yʊwa nɨ tag. A wini a nǝ gǝn lǝma na gungtǝm nǝbɨɨ a gola Yʊwa nɨ. A wini a nǝ gǝn lǝma na maatǝm jǝ laatǝm kang. A wini a nǝ gǝn lǝma na kuwotǝmkǝga. A wini a nǝ gǝn lǝma na nyǝmtǝm yʊwa nǝn dʌmʌn. A wini a nǝ gǝn lǝma na sʊwatǝm nyiyo nǝn dʌmʌn. A wini a nǝ gǝn lǝma na fɛtatǝm nyiyotɨn.

Gwam jinɔ Yʊwagɔ win wʊnɨ maa maajɨ nɨ lɛɨ, nǝn gɔ tǝga ji lǝmagɔ lɛɨ, kanga ga swɨɨ.

Kwaama a maa nyɔ kage kɛl wʊlakatǝmɔ a dɔ bʊtɔ. Kwaama a maa nyɔ sǝ jinʌnɔ a dʌngko dʌngkotǝm nyan.

Nǝtǝm lǝmatɨn Yʊwagɔ nǝn dʌmʌn, Yʊwagɔ win. Golantɨn maatǝm maajɨgɔ nǝn dʌmʌn, Tɛlalɔ win. Maajɨgɔ wo nǝn dʌmʌn, nǝn Kwaama win nǝ ji kwaan maatǝm jinɔ lɛɨ

A mʊgɔ mʊrkalɨ nǝb bwangtǝm Kwaamaɨ, Kwaama a dǝg kaamɨ a yǝlam, na win, bɛtɔ twama, na yo, nǝbkuwotǝmkǝga, na taal, nǝb mɛlalɨ. Kaamɨ a nǝ ji lǝma na maatǝm jǝ laatǝm kang, kaamɨ a nǝ ji gungtǝm nǝb bɔɔlam, kaamɨ n nǝb tɨkalɨ, kaamɨ n nǝb nɨ yɔ lɛ nǝn mʊrkalɨ nǝb bwangtǝm Kwaamaɨ, kaamɨ n nǝbɔ sʊwa kɛl lɛ nǝn nyiyogɔ nǝn dʌmʌni.

Bʊtɔgɔ ke bɔ ji win, jinʌnɔ a lada nyɔ.

Mɨ nyɔ, jinʌn bʊtɔ nɨ jǝ́ kuwo lɛ maamɔ a gɨya gɨyaɨ, nǝji ja laa kaamɨ.

Na na bʊtɔgɔ gwam n nui, na jǝ́ nyʊwa nǝn wɛ? Na na bʊtɔgɔ gwam n lɔlɨ, na jǝ́ nyʊn jʊ nǝn wɛ? N wɔ Kwaama a fɛka jinʌn bʊtɔgɔ gwam jinɔ kanga ga swɨɨ. Na na bʊtɔgɔ gwam n ji wini, a yǝlam bɔ bʊtɔ.