Populære bibelvers fra Waxye 7

Del

Taymik sarrah, kulux-erhxe, taykinna lel, umbuka wathunko, inkoh kishosh, xiyaw kee waaniiko mangum mango xiyaw walaa inketti loolaysho taanaya, cado sara sariteenih, tamri xakuk gabubudde yibbirhinyaako, amaa nugus-kurse kee Leemih nifille sooleenih yinin.

Wac-yerhxiinih lel: “Garger nugus-kurselle defeyak yane ni Yalla kee Leemi tiya kinni!” yerhxiinih andhaxak yinin.

Amayim lel, tamaa nugus-kursehi fanadde yane Leemi ten loyna yakkeh, tane layet raxeena fanah lel ten santisheyaako, Yalli ten intit hi dhiimo inkoh akah kalo kinamhi sabbatah kinni.”

“Amaydo, usun Yallih nugus-kursehi nifille yanin, kaa macbadadde lel bar kee lellecih akah yacbudin; amaa nugus-kurselle defeyati lel ishi aniinah ten silaalisho kinni. Kamboh safriitoona makinooni, bakhaaritoona lel makinooni, ayrottat lacna kee, harur ten dhafo maki.

“Nanu tamaa ni Yallahi khaddamteeko ten-ten dambaralle maxtam akko haynam fanah, baarho, bad hido xorh mibiyaakina” akko yerhxe. Maxtam alle gaxe marahi manga lel ayidhdha kinam oobbe. Umbuka Israa-eel kishoshko maxtam alle gaxe mari lel bool kee marootom kee afar shixtiya kuuk yinin