Populære bibelvers fra Waxye 6

Del

Kulux-erhxeh lel, taykinna, ambuuzin faras! Teyak yine tiyahi migac lel Raba kinni. Hadees lel kaa kataak yine. Tenah lel sef, culul, laxuu kee zibi alluulah ta baarhooko rubuc takkem yagdafoona reeza akah tomxoye.

Kulux-erhxeh lel taykinna, cado faras! Teyak yineti lel mantig luuk yine, bor lel akah yomxoye. Yamlako yewceyaako lel yimlike.

Usuk makawwanit maxtam faake gedda, tamaa Yallih waanitta kee aben shahaadahi sabbatah tumruxxudemhi rooxit amaa mazbax geridde uble.

Wac-yerhxiinih lel: “Ko ishe dhiica quddus kee rumma kin Maddaraw, ta baarholle mara mara tafrideh ni biilohi xane akko tafdiyendah ayidhdha kok beyo kinni?” yerhxinyaako zeeren. Babbarhi tiyah lel cado sari akah yomxoyeyaako, ten zooba kin khaddamte kee ten saculhi manga tamaa ten balih yagdafoona lonyahiya takmilendah, dago gedih yacrafoona akah warishen.

Aki gira balih casa faras lel tewce. Amaa teyak yine tiyah lel ta baarhooko salaam yaylawo kee xiyaw sittiyaalih yasgadafo fiqhaad akah yomxoyeh yine. Naba sef lel akah yomxoyeh yine.

Amayim lel, tamaa naba maxhi ten kura temeeteh tanemhi sabbatah kinni, tayimko raaco dhiicati lel miyatto kinni?” akko yerhxin.

Usuk lix-ya maxtam faake gedda, kulux-erhxe, taykinna lel, naba kirdidimo tekkeyaako, ayrotta guulat sareena balih dattoyte. Alsi lel sittiyadde biilo balih cassoye. Tamaa indacaari lel dhacuma xaaxatti wahana gedda ishi daro akah urgufaaka balih, caranti xutuk baarholle rade.

Usuk maddaxit maxtam faake gedda, maddaxit ufayletti: “Amo!” arhxuk oobbe. Kulux-erhxeh lel taykinna, dat faras! Amaa teyak yineti lel miizan gabadde luuk yine. Tamaa affara ufaylettahi fantaako yawceyah iggidin dhaw lel: “Inki sinraa xarich hi cissi rubuc diinaarah, cadeelaw xarich hi cisse takkem lel diinaarah, zeet kee wayni laakin mirhagin!” arhxuk oobbe.

Caran lel sawalen maqhaddamat balih yuntullule, koomam kee juzur lel inkoh ishi caraako yentexeexeze. Baarhot nuguusa, makaabun, caskar filcohi naba mara, gaddaalit, xayla le mara, ummanti, garuuza kee finjalit, galub kee koomamti dumamadde sucuten.