Populære bibelvers fra Roma 16

Del

La kleur tan Maromak Dame Nain sei sama rahun tiha diabu iha imi nia ain okos. Hau harohan atu ita nia Nai Jesus Nia grasa hamutuk ho imi.

Maun-alin sira, hau husu atu imi kuidadu teb-tebes ho ema sira nebee kontra fali hanorin nebee imi simu tiha ona. Sira nee hakarak halo imi sarani sira fahe malu i halo imi nia fiar nakdoko. Nunee hadook aan hosi ema sira hanesan nee.

Tanba ema hanesan nee laos serbii Kristu ita nia Nai, maibee serbii deit sira nia aan rasik. Sira uza liafuan midar no promete buat oin-oin, ho nunee sira konsege bosok ema nebee simples.

Hahii ba Nai Maromak! Nia mak iha kbiit hodi halo ita sai forti, liu hosi Novidade Diak nebee hau foo sai ona kona ba Jesus Kristu. Hori uluk liu, ema la hatene Maromak nia planu kona ba Kristu, tanba sei segredu hela. Maibee agora Maromak Rohan-Laek hatudu sai ona planu nee ba ita ema. Fofoun Nia haruka Nia profeta sira hakerek Nia planu segredu nee iha Livru Sagradu. Agora Nia haruka ami foo sai iha nebee-nebee deit, atu ema hosi nasaun hotu-hotu bele fiar ba Nia i halo tuir Nia hakarak. Nia deit mak Maromak, Nia deit mak hatene buat hotu-hotu. Mai ita foti aas Nia naran too tinan ba tinan liu hosi Jesus Kristu. Amen.