Populære bibelvers fra Roma 15

Del

Maromak rasik mak halo ita laran metin ba Nia. Hau harohan atu Nia halo imi haksolok teb-tebes no foo paz ho hakmatek ba imi, tanba imi fiar ba Nia. Nunee kbiit Espiritu Santu nian sei halo imi laran metin liu tan ba Maromak.

Buat hotu-hotu nebee hakerek ona iha Livru Sagradu, hakerek hodi hanorin ita, tulun ita hodi aguenta nafatin no foo korajen, para ita laran metin liu tan ba Maromak.

Maromak mak tulun ita hodi aguenta iha terus laran no foo korajen mai ita. Hau harohan atu Maromak halo imi moris neon ida laran ida hodi tuir Kristu Jesus. Nunee imi neon ida ho lian ida hodi foti aas Maromak nia naran. Nia mak ita nia Nai Jesus Kristu nia Aman.

Tanba nee imi simu malu baa, hanesan Kristu simu tiha ona imi. Bainhira ema haree imi simu malu, sira sei foti aas Maromak nia naran.

Maibee ita ida-idak tenki halo haksolok ita nia maluk sarani hodi halo diak ba nia, para nia fiar bele metin liu tan.