Populære bibelvers fra मति 22

Del

तब येसुजि जवाफ देते कहलसि, “‘तुइ परमप्रभु यापन परमेस्‍वरके यापन जम्‍मे हृदयसे, यापन जम्‍मे आत्‍मासे हसे यापन जम्‍मे समझसे प्रेम करसि।’ सबसे महान हसे पहिलो आग्या इहे हखइ, हसे दोसरो आग्या फेनि वसने बडइ, ‘तुइ यापन पोरसियावाके यपने नहिँया प्रेम करसि।’

जम्‍मे व्‍यवस्‍था हसे अगमवक्‍तावानिक सिछाक यधार इहे दु गो आग्यामा बडइ।”

तब येसुजि कहलसि, “केहकेकि बलावल बहुत जन बडइ, बाकि चुनल इचिके जन बडइ।”

केहकेकि मन्‍सावाह मरके फेरि जिइ उठइकि बियाह-बारि नाहिँ करतइ, बाकि हुनुका स्‍वरगदुतवानि नहिँया हतइ।

तोहरा मोरके कर तिरना सिक्‍का देखोह त।” हुनुका एगुडा सिक्‍का यानके हुनेके देखोलइ। येसुजि हुनुकाके पुछलसि, “इअ सिक्‍कवामा काकर फोटो हसे नाउँक छाप बडइ?” हुनुका जवाफ देते कहलइ, “इअ त रोमि सम्राटक हखइ।” तब येसुजि कहलसि, “वसके हखइ जउँ, रोमि सम्राटक चिजु रोमि सम्राटके देह हसे परमेस्‍वरक चिजु परमेस्‍वरके देह।”