Populære bibelvers fra मति 21

Del

यगर तोहरा विस्‍वास करबह जउँ, परथानामा जथि मङले फेनि उअ पउबह।”

येसुजि हुनुकाके जवाफ देते कहलसि, “मुइ तोहराके सदियो कहइ बडहिँ, यगर तोहार विस्‍वास बडइ हसे तोहरा सक नाहिँ करबह जउँ, इअ कोइलरवाक गछवाके मोर करलि नहिँया तोहरा करे सकबह हसे उतुरा मतरे हइने, बाकि इअ पहडावाके ‘उखराके समुनदरवामा खसहि’ कहके कहबह जउँ, वसने हतइ।

येसुजिक यागा हसे पाछा बुललहरा मन्‍सावाह यसके कहते जयजयकार करे लगलइ, “दाउदक पुतरक जय हखइ! परमप्रभुक नाउँमा यलहरवा धन्यक हखसि! स्‍वरगमा रहलाहर परमेस्‍वरक जय हखइ!”

वकरपाछा, येसुजि हुनुकाके कहलसि, “परमेस्‍वरक वचनवामा यसके लिखाइल बडइ, ‘मोर घरवा परथानाक घर हखे परतइ’ बाकि तोहरा त यकरेके ‘डकुवानिक यडडा’ बनादेलह।”

“यरुसलेमक मन्‍सावानिके कहदेहि, ‘हेरहि, तोर रजवा तोर लघिना यवइ बडसि, हुने नम्र भके गदहावामा चढके यवइ बडसि, हुने त गदहावाक बचवा वपरा चढके सवार हखइ बडसि’।”

तब येसुजि हुनुकाके पुछलसि, “कथि तोहरा धरमसास्‍तरवामा हइने पढल बडह? ‘घरवा बनोलहरा मिस्‍तिरियाह जुन पत्‍थरावाके काम नाहिँ लगतइ कहके तिरा देले रहलइ, याखिरमा उहे पत्‍थरवा घरवाक मुख्‍य पत्‍थरा बनलिय। इअ कमवा परमप्रभु करले बडसि, हसे हमार लजरियामा यचम्‍मक बडइ।’

“उहेसे मुइ तोहराके कहबहिँ, परमेस्‍वरक राज तोहारसे लियतइ हसे यसनुक एगुडा जातिके दियतइ, जुने वकर फर फरोबिय।