Populære bibelvers fra Ruumiya 8

Del

A alŋa liliŋidhi darnu ŋidi peth ŋathapaijiye ŋiro ŋina ŋiŋir degen lina luminyu Kaloŋa, a degen lina lurninu gi dhuŋun dhina dhibupuŋw.

A ŋinena nyi gwuminyu darnu ai, i midhe, i malaayka, i liji lina luthi ŋelenya, i ŋoma, i ŋidi ŋina ŋo ŋinena, i ŋina ŋaji ŋila gidon, i olalaŋ, i ŋidi ŋina ŋolaŋ ganu, i ŋidi ŋiter ŋina ŋigitinu ŋati ŋuthi ŋoma dijiguda ganu di uminyi gwa Kalo, gwina gwo di al Masiiẖ Yasuuⓐ gwina gwiro Kweleny gwega no.

A minoŋ Dhigirim ko dhathigathaje muluŋw nono gwega uwa; ŋinena athana liŋidhi dabiŋaijo Kaloŋa gwiro ŋinena gwina gwaudhi dilabiŋaijo Kaloŋa no; abi Dhigirim dhiro dhina dhathabiŋadhaijo Kaloŋa dega gwai are gwai gwina gwati gwuthi ŋoma duŋwabiŋini no.

A minoŋ alŋa larakwai gi dhuŋun ibidha? Ada Kalo gimalije, ei gwuthi ŋoma duŋwuro dhuwan dhega?

A minoŋ ẖukm gwati gwaje degen lina lo di al Masiiẖ Yasuuⓐ, lina lati lathelila gi dhuŋun dha aŋinu no, abi gi dhuŋun dha Dhigirim.

Ŋinena ireye je galo gwa aŋinu gwiro ai; abi ireye je galo gwa Dhigirim gwiro midhe a audhaijiye galo.

Abi gi ŋidi ibiŋa peth alŋa luthi ŋoma dibiŋiye dhinyuŋw gwega ŋeda gwai gwina gwuminyije.

Ŋinena nyi gwadhura darnu ŋwuredeny ŋwa ŋwamun ibiŋwa ŋwati ŋwaudhi dilubiye gi majdh gwina gwaji gwaŋini dega ganu no.

Ei gwuthi ŋoma dijiguda ganu gi uminyi gwa al Masiiẖ? Dhuŋun dhina dhibur, i ŋwuredeny, i irini, i jamu, i dije galo ŋwumirinya, i dije kalo gina gike, i kalala?

A gwina gwathi bupini galo gi dugor ganu gwiliŋidhi aŋ gwiro fikr gwa Dhigirim, ŋinena athuŋw abiŋadhaijo Kaloŋa gwan liji lina liŋir didirel gi dhuŋun dhina dhibupo Kalo.

Ŋinena peth lina ludhunu Dhigirim dhai dha Kalo, ŋediŋa liro keleŋa ga Kalo.

Ŋinena lina lo gi dhuŋun dha aŋinu lathigeta afkaar gwegen gi ŋidi ŋa aŋinu; abi lina lo gi dhuŋun dha Dhigirim lathigeta afkaar gwegen gi ŋidi ŋa Dhigirim.

Gwina gwati gwidoinyo dijidhedha Ŋare ŋuŋun no, ŋwubuminyi dijidhedha Ŋare ŋuŋun ŋan alŋa peth, akwai gwati gwijidhedha ŋida peth tur ŋeda ŋalai no.

A Dhigirim ko dhiro shaahid gwan dhigirim dega, darnu alŋa liro keleŋa ga Kalo. A ada alŋa limaro keleŋa, a minoŋ alŋa luthi ŋelenya ko Kalo ŋalai, dilapai ŋelenya al Masiiẖ ŋalai; ada alŋa limaicaijiye ŋeda ŋalai gi ŋwuredeny ŋwuŋun, dilmajidhini ko ŋeda ŋalai.

Ŋinena fikr gwa aŋinu gwikiilo Kalo gai; ŋinena athuŋw uthejo naamuus gwa Kalo kuni no, a minoŋ ko gwati gwuthi ŋoma no.

Ŋinena dhunijo gwina gwuthi uminyi gwa ŋidi ŋina ŋigitinu gwathidhunijo aŋinuŋw gwa keleŋa ga Kalo.

Alŋa liliŋidhi darnu ŋidi peth ŋina ŋigitinu ŋathare alumi ŋiya ŋwuredeny ŋwai di a ŋinena.