Populære bibelvers fra Ruumiya 6

Del

Ŋinena ujra ya ŋidi ŋina ŋike iro ai; abi dhedha tur gwa Kalo gwiro midhe gwina gwathije gwortal Yasuuⓐ al Masiiẖ gwai gwina gwiro Kweleny gwega.

Ŋinena ŋidi ŋina ŋike ŋati ŋuthi ŋelenya dagalo manaŋ no; ŋinena athanya jo gi naamuus ganu no, abi gi niⓐma ganu.

A minoŋ alŋa ligwurcinu ŋeda ŋalai maⓐmuudiiya gwai dai; di gwiro ŋinena mani al Masiiẖ dirini dai majdh gwai gwa Babo, a minoŋ alŋa ko luthi ŋoma dilelila gi midhe gwina gwiyaŋ.

I athanya dhedhi agsaam gwalo dilro ŋidi ŋadhapai ŋiro ŋa dhuŋun dhina dhati dhiŋir dhan ŋidi ŋina ŋike no; abi dhedhul Kaloŋa lidom lalo, liro ŋinena liji lina limidho dai, a agsaam gwalo dilro ŋidi ŋadhapai ŋiro ŋa dhuŋun dhina dhiŋir dhan Kalo.

Alŋa liliŋidhi dhuŋuna ibidha darnu kwiji gwega gwina gwurun gwimarinyini gi lure alaŋ lina limaliganu ŋeda ŋalai, di aŋinu ya ŋidi ŋina ŋike erna, dathil auredhi dilupijo ŋida ŋina ŋike ŋiro no.

A minoŋ nyaŋa ko dhuredhul lidom lalo laio gi ŋidi ŋina ŋike; nyabimidhe gwan Kalo Yasuuⓐ al Masiiẖ gwai gwina gwiro Kweleny gwega.

Abi alŋa larakwai gi dhuŋun ibidha? Alŋa laje dapai ŋida ŋina ŋike, di niⓐma oinyadhani a? Oo. Alŋa lina limai gi ŋidi ŋina ŋike, akwai alŋa lamidhe manaŋ gi ŋidi ganu ŋina ŋike?

Nyaŋa lati liliŋidhi darnu ŋeda gwina gwimanya dhedha lidom lalo laro jine juŋun danya uthejo nyuni na? Nyaŋa liro jine ja gweta gwina gwathanya uthejo nyuni; ada gwimaro gwa ŋidi ŋina ŋike dai, i gwadhuthejo dhuŋuna dhina dhiŋir nyuni.

Abi shukr di Kalo, ŋinena ranya jine ja ŋidi ŋina ŋike, abi nyaŋa limuthejo dugor dai dalo s̱uura ibigwe nyuni gwa taⓐliim dhina dhimajildhedha. Abi gwiro ŋinena manyan gududhini galo gi ŋidi ŋina ŋike, nyaŋa limaro jine ja dhuŋun dhina dhiŋir.