Populære bibelvers fra Ruumiya 1

Del

Ŋinena nyi gwati gwuthi dhara gi Dhuŋun dhina Dhiŋir dha al Masiiẖ no; ŋinena ruŋw ŋoma ŋa Kalo di gilaŋ gi liji peth lina luminyu; Yahuud kwereny, a Yuunaaniyiin ko.

Gi Dhuŋun dhina Dhiŋir dhuŋun dhina dhiŋir dha Kalo dhimaŋini imaan gwai gi imaan; gwiro ŋinena ulinuŋwna, A gwina gwiŋir gwamidhe imaan gwai.

Ŋinena ŋidi ŋina ŋati ŋaŋinu ŋan ŋeda ro dina gitinina gidhila no ŋimaŋini momaŋ, a ŋimaliŋini ŋidi ŋai ŋina ŋigitinu, ŋina ŋiro ŋoma ŋuŋun ŋina ŋathije gwortal a dhuŋun dhina dhuthuŋw; a minoŋ ŋediŋa lati luthi dhuŋuna dha dhabiŋi no.

Ŋinena dina mal liŋa Kaloŋa athilbi majidho Kaloŋa giro ŋinena Kalo gegen no, i athilaico shukran no; albijalo tur gi afkaar gwegen, a dugor degen dina diro jirila dina dirima ganu.

Lina lupeyo dhuŋuna ganu dhina dhiro titiganu dha Kalo gi ŋidhuŋun, aluminyi alidijo ŋida ŋina ŋigetilo Kalo ŋwurko ŋwai, athilupijo ŋeduŋw ŋiro gwina gwigeto ŋida peth no, gwina gwiro mubaarak gwortal gwortal. Amiin.

Ŋinena kadhugore gwa Kalo gwimaŋini gi Sama gi liji peth lina lati luminyu dhuŋuna dha Kalo no a gi dhuŋun dhegen dhina dhike lina lathimutha dhuŋuna dhina dhiro titiganu dhuŋun dhai dhina dhati dhiŋir no

Gi dhuŋun ibidha al Kalo abrico gi uminyi gwina gwike gwuleny; ŋinena ma la legen upeye dhuŋuna ganu dhina dhuthilo gi dhuŋun dhina dhati dhiŋiradho gi dhuŋun dhina dhuthilo no. A minoŋ a loma ko gathani dhuŋuna dha dhidhreye laio gi dhuŋun dhina dhuthilo, aldunini iga yai dhuŋun dhai dhegen dhina dhike degen ganu gweta gweta; alapai dhuŋuna dhina dhuthi dhara; athi lomaŋa dhre loma lai liter, alapa jiza gi lidom legen gwina gwaudhi gwan dhuŋun dhegen dhina dhike. Gwiro ŋinena manidoinya diŋirani gwitiny diluminyi Kaloŋa gi liŋa gwegen, al Kalo abrico gi ŋadigireny ŋina ŋidunyinu, dilapai ŋida ibiŋa ŋina ŋati ŋaudhi no

Alarnu laliminu gi dugor ganu degen, albi ro jirila, alupeye majdh ganu gwa Kalo gina gathije gwortal gi s̱uura gwa kwiji gwina gwaji gwerna, a nyira, a dhola, a ŋidi ŋina ŋathelila galo nyare nyai.