Populære bibelvers fra ruma 8

Del

imma ġwilli ittirin rbbi iġra‑yasn‑d ġmklli iqṣad, nssn is‑a‑yasn‑iskar afulki ġ‑kullu mad‑asn‑ijrrun.

ašku ssnġ mayad bahra: ur‑illi kra iẓḍarn ad‑aġ‑issngara d‑lḥnant‑ns, urd lmut nġd tudrt nġd lmalayka nġd larwaḥ, urd ma‑illan nġd ma‑ra‑yili, urd ssulṭat nġd lquwwat n‑tattuyt nġd tin‑tdrut. kullu ma‑ih̬lq rbbi, ur‑gis‑illi kra iẓḍarn ad‑aġ‑issngara d‑lḥnant n‑rbbi lli‑s‑ginnġ‑iḥnna f‑uwdm l‑lmasiḥ yasuɛ siditnnġ.

ġmkad‑nnit ad‑aġ‑itɛawan rruḥ lqudus ġilad ġ‑sul‑nḍɛf. ur‑nssin ma‑s‑ra‑ntẓalla i‑rbbi ġmklli‑aġ‑d‑iqqann, walaynni rruḥ lqudus ar‑t‑fllannġ‑itḍalab s‑unfusn tjhhdnin lli‑ugʷrnin iwaliwn.

imma ġilad ma‑ra‑nini f‑kullu mayad? lliġ didnnġ ibidd rbbi ma‑rad‑aġ‑inru?

imma ġilad ur‑sul‑tlli lɛqubit i‑wanna igan win lmasiḥ yasuɛ.

wanna itlhun ih̬f‑ns s‑ma‑tra ddat rad‑as‑tili lmut. wanna itlhun s‑ma‑ira rruḥ lqudus rad‑as‑tili tudrt d‑sslamt.

walaynni kullu ġayan, nnra‑t bahra s‑ism n‑walli ginnġ iḥnnan.

ssnġ nkki tarfufnt n‑uwssan‑ad ur‑tswi yat ġ‑lgddam l‑lmjd lli‑rad‑aġ‑ifk rbbi ġ‑mayd‑d‑yuškan.

ma‑rad‑aġ‑issngara d‑lḥnant l‑lmasiḥ? izd tammara nġd tanukmut nġd tarfufnt nġd laẓ nġd lhif nġd ššrr nġd taẓẓit?

imma rbbi lli‑iẓrran ma‑illan ġ‑uwlawn‑nnġ, issn ma‑iqṣad rruḥ. ašku rruḥ ar‑itḍalab f‑imẓlayn n‑rbbi ġmklli ittiri rbbi.

kullu winna sflidnin s‑rruḥ n‑rbbi, gan tarwa n‑rbbi.

ġwilli‑stt‑itawin ġ‑ddat ar‑tlhun ih̬f‑nsn s‑ma‑tra ddat. imma ġwilli‑stt‑itawin ġ‑rruḥ lqudus ar‑tlhun s‑ma‑ira rruḥ lqudus.

imma rbbi, lliġ ur‑n‑iḥḍi yus ġ‑dars walaynni idḥi‑t‑id f‑ssibt‑nnġ kullwaġ, is‑ur‑ra‑yiri ad‑aġ‑dids‑ifk kraygatt kra?

hati imšaška‑d rruḥ n‑rbbi d‑rruḥ‑nnġ ar‑aġ‑malan izd tarwa n‑rbbi a‑nga. lliġ nga tarwa‑ns, nissan is‑ra‑nṭṭaf lwrt lli‑ra‑yili i‑mddn n‑rbbi, ra‑nkšm ġ‑lwrt l‑lmasiḥ. iġ‑dids‑nmun ġ‑urfufn, ra‑dids‑nili ġ‑lmjd.

yan itlhun s‑ddat, hati ar‑itmmaġ d‑rbbi, ašku ur‑a‑iskar s‑tnbaḍin n‑rbbi, ur‑akkʷ‑iẓḍar a‑srsnt‑iskar.

ašku kullu ma‑ih̬lq rbbi ġ‑ddunit‑ad ar‑itql yiri bahra ass‑an ġ‑rad‑d‑bann tarwa n‑rbbi.

nssn izd kullu ma‑illan ġ‑ddunit ar‑inddr s‑ungaẓ zund tamġart lli‑ra‑yaru.