Populære bibelvers fra ruma 7

Del

walaynni rad‑bahra‑talġġ rbbi, ašku f‑uwdm n‑yasuɛ lmasiḥ siditnnġ a‑f‑rad‑njmġ. walaynni ġmkad ad‑sul‑giġ nkki: ar‑ttiriġ tinbaḍin n‑rbbi s‑lɛaql‑inu, walaynni ddat‑inu ar‑sul‑tskar s‑tnbaḍin n‑ddnub.

ssnġ is‑ur‑illi kra ifulkin ġ‑ddat‑ad‑inu. wah̬h̬a da‑ttiriġ ad‑skarġ afulki ur‑a‑tiẓḍarġ.

ur‑a‑skarġ afulki lli‑riġ, walaynni lh̬ʷšant lli‑ur‑riġ, nttat ad‑skarġ.

iġ‑a‑skarġ ġaylli ur‑riġ, urd nkki a‑t‑iskarn walaynni lquwwa n‑ddnub lli‑gigi‑illan, nttat a‑t‑iskarn.

hati ġmkad a‑bdda‑giġ: akud nna‑riġ ad‑skrġ afulki ar‑n‑tafaġ ih̬f‑inu ur‑ẓḍarġ ġir i‑lh̬ʷšant. ġ‑uwl‑inu ar‑tfraḥġ s‑tnbaḍin n‑rbbi

akud nna‑skarġ ma‑ur‑riġ ar‑malaġ is‑ssnġ ššrɛ ifulki.