Populære bibelvers fra Aliro̍om 6

Del

Wu̍chē oji̍ nɛ, ɔpīyaku̍ re̍ka ɛpiyabuna nīi ɔ̄chɛ ē nāa la lɛlā ɔdwɔ̄bi̍ a̍nɛ. Ɔjā nīi Ɔwɔ chī ē kɔ̄kɔ̄ de ɔ̄chɛ ke̍e̍ ji ma̍ - ɔhɔ̄leyī i̍mɔ̄mɛni̍ bū la otū ngmo̍tu̍chɛ̄ ba̍la Ikra̍yisi Iji̍sɔ̄ɔsi nīi - Ādādā yī alɔ ma̍ nɛ.

Ala̍ e̍e chɛ̄ nīi lɛlā ɔdwɔ̄bi̍ ge̍ bī wɔhu̍ yī ala̍ gɛ ni̍. Wu̍chē oji̍ nɛ, ala̍ i̍ hɔ̄ la ɔya̍ lɔkɔ nīi lihɔ ka ɔ̄chɛ ɔ̍lɔ ge̍ ya̍ ma̍ gɛ ni̍. Uhwa ɔnɛ̄ɛhɛhi nīi Ɔwɔ ē de ma̍ nīi ala̍ hɔ̄ la anu̍ a̍nɛ.

Bū la yenyi ohōhu nīi e̍ hu alɔ ma̍, o̍ re̍ka e̍ de alɔ nyi ba̍la anu̍ mɛ̍. Ɔla̍ā re̍ka alɔ titi pīyaku̍ bāa anu̍ ma̍. Ɔla̍ā lɛ i̍ngɔ̍ɔ wa̍a̍ hɛ̄ɛbɛ nīi alɔ ge̍ē hɔ̄ la ɔhɔ̄leyī onīpīpɛ̄ gala ɔgɔgu lɔkɔ nīi Ɔwɔ A̍dā yī alɔ de Ikra̍yisi hye̍ēyī la okū ke̍e̍ bū la wɔhu̍ ɔlɛbɛ̍bi̍ yī nū ma̍.

Ala̍ e̍e tu̍ hī ɛbɛbɛ yī ala̍ lā de lɛlā ɔdwɔ̄bi̍ obī yɔ̍ɔ̄ya̍ ni̍. Ɔkɔkɔ ɔla̍ā, ala̍ ā tu̍ hī iyī ala̍ wa̍a̍ de Ɔwɔ. Ala̍ ā ya̍ i̍ngɔ̍ɔ bāa āchɛ nīi Ɔwɔ de wa̍ hye̍ēyī bū la ɔpīyaku̍ wā la ɔhɔ̄leyī ma̍. Ala̍ ā tu̍labɔ̄ hī iyī ala̍ wa̍a̍ ligbo̍ ligbo̍ lā de Ɔwɔ nīi o̍ ge̍ bī ala̍ yɛ̍ɛ̄lā ɔlɛkpakpa yī nū.

Alɔ wa̍a̍ jo̍ōkū hīka ɔ̄chɛ nīi alɔ nūma̍ wɛ o̍bū ma̍, e̍ de ɔ̍ ngmo̍ yɛ̄gɛ̄grāa nīi e̍ de Ikra̍yisi gwōba̍ la ɔchi̍ ɔhrɛ̍ɛpa ma̍ mɛ̍. O̍ lɛ i̍ngɔ̍ɔ hɛ̄ɛbɛ nīi Ɔwɔ ge̍ē de ɔ̄chɛ ɔdwɔ̄bi̍ ɔla̍ā nīi alɔ wɛ o̍bū ma̍ ē chāajɛ. Bū la ɛbɛ ɔla̍ā, alɔ i̍ ge̍ē hɔ̄ bāa afiyɛ yī lɛlā ɔdwɔ̄bi̍ ma̍ ē gɛ ni̍.

Gala ɔgɔgu ɔla̍ā, ala̍ titi ge̍ē gbɛri̍ya̍ ē tū iyī ala̍ hīka ala̍ ko̍ōku̍ tunutunu de lɛlā ɔdwɔ̄bi̍ mɛ̍. Ala̍ hɔ̄leyī de Ɔwɔ bū la otū ngmo̍tu̍chɛ̄ ba̍la Ikra̍yisi Iji̍sɔ̄ɔsi bɛ̍ɛ̄nɛ̄.

Alɔ ge̍ē ka kana̍ bɛ̍ɛ̄nɛ̄ ma̍? O̍ re̍ka alɔ ge̍ē hɔ̄ la lɛlā ɔdwɔ̄bi̍ gāa iyɔ̄bū hɛ̄ɛbɛ nīi uhwa ɔnɛ̄ɛhɛhi nīi Ɔwɔ ē de ma̍ ge̍ē mwɛbɛ gba̍a̍ ē gāa iyɔ̄bū iyɔ̄bū kɛ̄ɛ? Īchāha̍ īchāha̍! Je̍ka aa̍ alɔ ko̍ōku̍ tunutunu de lɛlā ɔdwɔ̄bi̍ mɛ̍? Kana̍ nīi alɔ ge̍ē gba̍a ē hɔ̄ la lɛlā ɔdwɔ̄bi̍ ē mɛ we̍ ma̍ gɛ?

Je̍ka aa̍ ala̍ jo̍ōkū hīka ala̍ ge̍ tu̍labɔ̄ hī iyī ala̍ bāa afiyɛ yī ɔ̄chɛ ɔha̍ yɛ ē pɔ̍ɔkɔ yī nū mɛ̍, o̍ re̍ka ala̍ - afiyɛ yī abābā ɔla̍ā nīi ala̍ ē pɔ̍ɔkɔ yī nū ma̍ ichɛ̄ɛhi nɛ. O̍ ge̍ - lɛlā ɔdwɔ̄bi̍ nīi ala̍ ē pɔ̍ɔkɔ yī nū a̍nɛ, ɛpiyabuna yī nū - ɔpīyaku̍ nɛ. O̍ ge̍ chī - ɔya̍ lɔkɔ nīi Ɔwɔ ka ma̍ nīi ala̍ yɛ ē pɔ̍ɔkɔ yī nū a̍nɛ, ɛpiyabuna yī nū - ode lɛ kpakpa ba̍la Ɔwɔ nɛ.

O̍gbo̍ ge̍ iyī Ɔwɔ! Wu̍chē oji̍ nɛ, ala̍ - afiyɛ yī lɛlā ɔdwɔ̄bi̍ īchāha̍ o̍bū nɛ; ala̍ chī chōo̍chē wā ge̍ yɛ ē po̍ ɔkɔlɛ̄lā olēchi̍ lēchi̍ nīi bū la lɛlā ongōngū nīi ala̍ nāa po̍ ma̍ bɛ̍ɛ̄nɛ̄. Bū la ɛbɛ ɔla̍ā, Ɔwɔ de ala̍ hīya lɛfiyɛ hī wɔhu̍ yī lɛlā ɔdwɔ̄bi̍. Ala̍ de pīya afiyɛ yī lɛlā ɔlɛkpakpa ɔyɔ̍ɔ̄ya̍ bɛ̍ɛ̄nɛ̄.