Populære bibelvers fra Aliro̍om 5

Del

Mɔ̍ɔkɔ nīi Ɔwɔ chī de ɔhɔtū yī nū chabɔ̄ hu̍ alɔ ɔ̄kū gɛ! Yɛ̄grāa nīi alɔ e̍e re̍ka āchɛ ɔyɛ̍ɛ̄lā ɔdwɔ̄bi̍ we̍ ma̍ nīi Ikra̍yisi pīyaku̍ de alɔ a̍nɛ.

Eyī ode chōche nūma̍ i̍ ē mwajɛ ē mɛ ni̍. Wu̍chē oji̍ nɛ, Ɔwɔ de ɔhɔtū yī nū mwɛbɛ mwɛbɛ tū alɔ la ūkpɔ̄tū bū la Uhu Ɔnɛ̄ɛhɛhi yī nū nīi - ɔjā nīi o̍ kɔ̄kɔ̄ de alɔ ke̍e̍ ji ma̍.

Alɔ ē wɔ̄wīyā i̍ngi̍ngɔ̍ɔ wu̍chē akanya wa̍a̍ nīi ē hɔ̄ de alɔ ma̍. Wu̍chē oji̍ nɛ, alɔ jo̍ōkū hīka, akanya ē ta̍tu̍tu̍ nīi ɔ̄chɛ ē mlɔtū hɔ̄ kpɔ̍ɔ̍ a̍nɛ. Ɔmlɔtū hɔ̄ kpɔ̍ɔ̍ ɔla̍ā chī ya̍ nīi Ɔwɔ ē ka ɔnɛ̄ɛhɛhi yī ɔ̄chɛ. Ɔka ɔnɛ̄ɛhɛhi yī ɔ̄chɛ i̍ngɔ̍ɔ chī ya̍ nīi ɔ̄chɛ ē deyīche Ɔwɔ a̍nɛ.

Wu̍chē lɔkɔ nīi Ɔwɔ ya̍ nīi alɔ de lɛ kpakpa ba̍la anu̍ ɔlɔjā bū la ɔtū ode che ɔ̍ ochōche ma̍, alɔ hɔ̄ la ogbodɔ̍dɔ̍ ba̍la Ɔwɔ gala abɔ̄ yī Iji̍sɔ̄ɔsi Ikra̍yisi nīi - Ādādā yī alɔ ma̍ bɛ̍ɛ̄nɛ̄. Bū la ɔtū nīi alɔ de che ɔ̍ ma̍, Ikra̍yisi bī alɔ wā ge̍ ma̍ uhwa ɔnɛ̄ɛhɛhi nūma̍ nīi Ɔwɔ de ma̍ mɛ̍; anu̍ nīi alɔ tū ma̍ la anu̍ u̍ma̍ama a̍nɛ. Alɔ yɛ ē wɔ̄wīyā bɛ̍ɛ̄nɛ̄, wu̍chē lɔkɔ nīi alɔ deyīche ge̍ē nāa rīgā yī Ɔwɔ ba̍la anu̍ ma̍.

Wu̍chē oji̍ nɛ, yɛ̄grāa nīi wɔbɔ̄ otōtū ɔha̍lɔha̍ i̍ hɔ̄ de alɔ ni̍ cha̍ka̍ra̍ ma̍, Ikra̍yisi wā ge̍ pīyaku̍ de alɔ wu̍chē yī wɔbi̍ lɛlā yī alɔ. Ikra̍yisi ya̍ i̍ngɔ̍ɔ yɛ̄grāa pi̍i̍ nīi Ɔwɔ ɔlɔjā de lā ma̍.

Bū la ɔpīyaku̍ yī nū nīi Ɔwɔ ya̍ nīi alɔ de lɛ kpakpa ke̍e̍ ba̍la Ɔwɔ ɔlɔjā a̍nɛ. Ɔla̍ā lɛ i̍ngɔ̍ɔ ma̍, alɔ jo̍ōkū hwɔhi hwɔhi bɛ̍ɛ̄nɛ̄ hīka Ikra̍yisi ge̍ē de alɔ ē hɛ̍ta̍ hī ɔtū ngurangura yī lɛpɔ̄ ɔhɔ̍ɔ̄hɛ̍ yī Ɔwɔ.

Lɛlā ɔdwɔ̄bi̍ ūkpo̍he yī A̍dāam nīi o̍ i̍ pɔ̍ɔkɔ yī Ɔwɔ ni̍ ma̍ - ohu̍ nīi āchɛ wa̍a̍ de pīya āchɛ ɔyɛ̍ɛ̄lā ɔdwɔ̄bi̍ a̍nɛ. Gala ɔgɔgu ɔla̍ā, Iji̍sɔ̄ɔsi Ikra̍yisi ɔ̄chɛ ūkpo̍he nīi pɔ̍ɔkɔ yī Ɔwɔ ma̍ - ohu̍ nīi āchɛ wa̍a̍ de lɛ kpakpa ba̍la Ɔwɔ a̍nɛ.

I̍ ɔla̍ā ɔla̍ā ke̍e̍ ni̍. Alɔ yɛ ē wɔ̄wīyā wu̍chē yī Ɔwɔ bɛ̍ɛ̄nɛ̄. Ɔwɔ̄wīyā ɔla̍ā bū la abɔ̄ yī Ādādā yī alɔ Iji̍sɔ̄ɔsi Ikra̍yisi nīi de alɔ pīya aɛ̍ɛya yī Ɔwɔ bɛ̍ɛ̄nɛ̄ ma̍.