Populære bibelvers fra PETRUS GI NIGOM 3

Del

Noro ma jikuk je bak Kristus bijikon Noni nok Tuhan ei jingonti. Ma jitin ei mem nituti dino hi mihig ser je tut jide niba ningon comti leu binhyepo jibuhup igbit. Ma jiba jingon di jo nyahan kin jibou di cut biyok cem bibuhup ighyet. Ma jinyohou jingon mien di kwes leu binhyepo gino hi pai je di jibit Kristus kinei drek dip jiyai munti di kei nya lene ighyet dima mibindei ba, immai sut yonti hak ug.

Lewo Allah nyohou yo di ibit ningon kanti bingig nitingou mem ide nadi. Noro Noni tte tut yo di isibut di ibon mun di mbuk nya.”

Ma jiba mun di tungwatu nya inga leu sut nya bimau jenti au. Gima ne jibou di jipri bikei bibor kin mas di nibok kui di jindei kin sinsun di nibok kui di jijuk ri. Noro ma jiba mun di ntun jingon him bimau jenti. Gima ne jingon di jo nyahan kin jiyai mun mmuti nya di bon ninyeng ei Allah niyai him ri.

Bit leu nok gi ipas ei Allah nihyetti “Tungwa tou rino joi sut ningon di llei bibor bibong kei gwam kei cem lene ma noni pijuk nidweb ser nhyema pai tungwatu nya kinei biris ei yokti au. Suar noni mbres nonti leu sisar biyai kep niyai munti di kei nya lene ba ningon titut yam bibrim ningkek bibindei ba, ningon kwes kin nisut bat yo di ingon jo kep nya.

Nirop ninda ndigsi rinok gini. Ma jahagom jice tut yam hyet kin jingon kanti cem gom. Ma jingondut yam tereu nok yo di itig mbier tut yam. Ma jingon nggriu sut yam bijiba jibou coi mem yam cem. Ma jimbuk tut yo di imbuk tut je au. Ma jimbriom yo di imbriom je au. Noro ma jingat nadi tindei mun di kei mem yok. Lewo Allah dimig je leu binhyepo jiyai mun di kei leu Noni.

Gino jita jibou ei nibon mun di kei nyati lene tou rimbuk tut je i?

Suar noni mbres nonti leu sisar biyai kep niyai munti di kei nya lene ba ningon titut yam bibrim ningkek bibindei ba, ningon kwes kin nisut bat yo di ingon jo kep nya.

Leu gi kei rino igyai ninghuisi wei drek dip igyai kep mun di kei bit leu Allah ningon kanti mem nye leu gima igyai ninghuisi wei drek dip gi igyai kep mun di sibut.