Populære bibelvers fra PETRUS GI NIGOM 2

Del

Noro Allah dimig je nok Nide mben nya kin Nide imam nya di igyai midyai mem ide Nibou Ndig di Allah kin Nide mben di ingon kwes nya kin Nide limwa nya cem. Allah dimig je bihig je kwei leu nidinditi bijicoi ei Nide nipigati di sieng-siau kei leu binhyepo jitri tut Nide midyai di mindur nya.

Kristus biang ide sisar ei Nonti dip tirigi mai ei biei salibti leu binhyepo bikwek nye leu sisar de nisindemti leu api igyaijo bit leu Allah ningon kanti mem nye. Kristus nibok nya ribindei dino jikei hanyen. Nipou ne jinok domba di israwir nya. Noro tini bu ne Allah buwak je hanyen kwei leu binhyepo jibit No Di Gembala di nyohou jingonti.

Nipou ne jeni cem Allah de limwa nya rin bi. Noro tini bu ne jeni cem Nide limwa nya ri. Nipou ne jingon mbum tut Allah nisingat tut jeti noro tini bu ne jiyai Nide nisingat tut jeti ei jingonti tu.

Ma jibingon nok munggwom ngwoi di sindi srek ba, jingon rai Allah nihyet di nok do ngei di pimbai kei. Tug hon nisinati dima rino jimahan bijiyai niteu leu sisarti kin niyaijo nijep.

Disut bat di dingon kieti jen, jinok ngkiai nya cem yo di ibong bas cem ei dihyeisi dini. Gima rino dicuk je sindem bipia ma jisindui sut jide ningut kanti nya om kep je au. Lewo jingut kanti dima kon pran bit jingonti kikau. Suar jiyai mun di kei bibor ei yo di ingon tindur nya igyai him. Gima mibindei ba, mpe dino ipai kep je bipia jisibut bibor ne ighyet micut hanyen ei ingonti drek dip jiyai munti di kei bibor nya. Leu api yoni minggei sut Allah mem njap di Noni mikwei hanyen.

Jinok tig di Allah bindei ba, niyaijo. Gima rino ma jisindui sut Allah ba je di jinok tig bingot Nide Ig di bit bon tungwatu nya ingat bou igyai him kan bi. Jinok imam di igyaijo mem Allah Nongkom ei Ig dimati ba, jibon midut di Noni joi sut ei nimbar hum dokti tug hon Yesus Kristus.

Gima rino ma jicom sisar hagom leu je hak ug. Ma jiris yam cem jingon can cem jingon kinei sut yam cem jipai yam kinei cem bu au.

Gima rino ma jikwei tti kin Noni lewo Noni ne tig di niyaijo ri. Ningot kep ig cig nya ikou sut tig dima noro Allah dimig tig dima ei lewo kan tut bipia bon ninyeng mem ig nikiou.

Ma jiyaijo tereu nok yo di igyati kwes lewo jingwes ngun leu sisar tu. Noro ma jiba jiyati di kwes binyohou sisar nyahan ei jingonti au. Ma jiyaijo dem kep nok Allah de awak nya.

Allah joi sut gino jiba jiyai munti di kei bibor nya binim kep yo di ingon mbum nya leu binhyepo yuhui buwei kep je bu bi.