Populære bibelvers fra AEFESO 5

Del

NĨ ũndũ ũcio-rĩ, rũmanagĩriai kwĩgerekania na Ngai, ta ciana ciendetwo mũno; na mũtũũre mwendaine, o ta ũrĩa Kristo nake aamwendire inyuĩ, agĩkĩĩruta nĩ ũndũ witũ, nĩ getha atuĩke ihaki o na igongona rĩa kũrutĩrũo Ngai, rĩĩ na mũtararĩko ũnungĩte wega.

Nĩ ũndũ ũcio-rĩ, wĩmenyagĩrĩrei mũno mĩthiĩre ĩrĩa mũthiaga nayo, mũtigathiage na ĩrĩa ya irimũ, tiga o ĩrĩa ya andũ ogĩ, na mũtigate ihinda rĩrĩa rĩagĩrĩru rĩa gwĩkaga wega, nĩ ũndũ matukũ maya tũrĩ namo nĩ moru.

Ningĩ mũtikanarĩwo nĩ ndibei, nĩ ũndũ ũrĩu nĩguo ũkĩragĩrĩria ũmaramari, nĩ kaba mũiyũrũo nĩ Roho, mwaranagĩrie na thaburi na nyĩmbo cia Ngai, o na nyĩmbo cia kũguna maroho ma andũ, mũkĩinagĩra Mwathani na ngoro cianyu, na mũkĩmũhũragĩra kĩnanda. Ningĩ mũcokagĩrie Ngai, o we Ithe witũ, ngatho mahinda mothe nĩ ũndũ wa maũndũ mothe, thĩinĩ wa rĩĩtwa rĩa Mwathani witũ Jesu Kristo

Nĩ ũndũ ũcio-rĩ, tigagai gũikara mũritĩte, no mũikarage mũmenyete ũrĩa Mwathani endaga gwĩkwo.

Inyuĩ athuri-rĩ, endagai atumia anyu o ta ũrĩa Kristo nake endire kanitha, akĩya kwĩneana nĩ ũndũ waguo

nĩ ũndũ rĩa mbere mwarĩ o nduma, no rĩu mũrĩ ũtheri nĩ ũndũ wa Mwathani. Thiagai na mĩthiĩre ĩrĩa ya ciana cia ũtheri

mũkĩĩnyihanagĩria o mũndũ na mũndũ ũrĩa ũngĩ nĩ ũndũ wa ũrĩa mwĩtigĩrĩte Kristo.

Inyuĩ atumia, athĩkagĩrai athuri anyu inyuene, o ta ũrĩa mũngĩathĩkagĩra Mwathani.

No rĩrĩ, o na gwatuĩka nĩ ũguo-rĩ, inyuĩ na inyuĩ, o mũndũ nĩendage mũtumia wake, o ta ũrĩa eendete we mwene: o nake mũtumia ndakaage gwĩtigĩra mũthuriwe.

Tondũ ũcio-rĩ, mũndũ nĩatigane na ithe na nyina, agwatanio na mũtumia; nao erĩ matuĩke mwĩrĩ ũmwe.

Ningĩ mũtikanagĩe ngwatanĩro na arĩa marutaga mawĩra ma nduma-inĩ, marĩa matarĩ na maciaro, no kaba mũmaguũragie moimbũke.