Populære bibelvers fra AEFESO 4

Del

Tuganagai o mũndũ na mũndũ ũrĩa ũngĩ, na mũiguanagĩre tha, mũkĩohanagĩra mehia o mũndũ na mũndũ ũrĩa ũngĩ, o ta ũrĩa Ngai nake amuoheire mehia manyu, arĩ thĩinĩ wa Kristo.

mwĩnyihĩtie mũno, na mũhoreire, na mũkirĩrĩirie, na ningĩ mũkiranagĩre mwendaine o mũndũ na mũndũ

Tigagai kwaria ciugo njũru na tũnua twanyu; kaba mwaragie ciugo iria ciagĩrĩire cia kũguna andũ hĩndĩ ĩrĩa mabataire, nĩguo itũme arĩa maciiguaga magĩage na Wega wa Ngai.

Eheriai kũrĩ inyuĩ ũhoro wothe wa gũtũũranĩria ũũru ngoro, o na mang’ũrĩka na marakara na gũtetania na kũrumana, na ningĩ mweherie muku wothe.

Mwarakara-rĩ, wĩmenyagĩrĩrei mũtikanehie; na mũtikanathũithie riũa mũrakaire: o na mũtikanarekererie mũcukani one kamweke.

Ha ũhoro wa mĩthiĩre yanyu ya mbere-rĩ, ĩaũrei mũndũ ũrĩa wa tene, ũrĩa ũthũkĩte nĩ ũndũ wa kũrũmĩrĩra merirĩria ma kũhenania; na mwerũhio maroho o na meciria manyu, na mwĩhumbe mũndũ ũrĩa mwerũ, o ũrĩa wombirũo ahaanaine na Ngai, e na ũthingu, na ũtheru ũrĩa uumanĩte na ũhoro-wa-ma.

na mwĩkagĩre kĩyo gĩa gũtũũra mũgwatanĩtio hamwe na ngwatanĩro ĩrĩa yumaga kũrĩ Roho, muohanĩtio na thayũ.

Agĩkĩheana amwe matuĩke atũmwo, na angĩ anabii, na angĩ ahunjia, na angĩ arĩithi a ngoro cia andũ, o na arutani; nĩ getha andũ arĩa aamũre matuĩke aagĩrĩru kũna, naguo wĩra wa gũtungatanĩra ũrutagwo, naguo Mwĩrĩ wa Kristo wongererũo hinya: o nginya hĩndĩ ĩrĩa ithuĩ ithuothe tũgakinyĩrĩra ũhoro wa gwĩtĩkia wĩtĩkio o ũmwe, o na wa kũmenya Mũrũ wa Ngai, na o mũndũ witũ atuĩke mũndũ mũgima ũrĩ na kĩũga kĩiganaine na kĩrĩa gĩa Kristo, arĩ we ũiyũrĩte ũgima wothe

nĩguo tũtige gũikaraga tũrĩ o ciana tũkĩagaagagio tũgĩtwarangagwo nĩ ũrutani o wothe, ta arĩ rũhuho rũgũtũhuruta, o na kana tũtwaragĩrĩrio nĩ ũhinga wa andũ, o na wara ũrĩa mahenagĩrĩria andũ naguo makamahĩtithia. No rĩrĩ, nĩ kaba twaragie ũhoro-ũrĩa-wa-ma tũkĩendanaga, na tũkũrakũrage maũndũ-inĩ mothe tũkĩmũkinyagĩrĩra o we ũrĩ Mũtwe, nĩwe Kristo.