Populære bibelvers fra Mat 6

Thĩnĩkĩai ĩndĩ maũndũ ma ũsumbĩ wa Ngai, na mũimantha kwĩkaa ũla waĩlu methonĩ make, nake akamũnenga syĩndũ isu ingĩ syonthe.

Kwoou mũikemakĩe nũndũ wa ũnĩ; ũnĩ wĩ na mawĩmakĩo ala maw'o. Kĩla mũthenya wĩ na mathĩna maw'o ala mawĩanĩe.

“Kwoou nyie nĩmwĩa mũikemakĩe nũndũ wa kĩla mũkaĩsaa kana mũkanyusaa nĩ kana mũendee kwĩkala thayũ; o na mũikemakĩe nũndũ wa kũla mũkaumasya ngũa sya kwĩkĩa. Kwĩthĩwa thayũ nĩkũthonokete lĩu, naw'o mwĩĩ nũthonokete ngũa.

Kwoou yĩla ũkwenda kũvoya, lika nyũmbanĩ yaku na ũivinga mũomo, na ĩndĩ ũivoya Ĩthe waku ũla ũtonekaa na metho. Nake Ĩthe waku ũla wonaa maũndũ ala mekawa kĩmbithĩnĩ akaũtuva.

Voyaai ta ũũ ĩndĩ: ‘Asa waitũ ũla wĩ ĩtunĩ, ĩsyĩtwa yaku nĩyĩkumw'e; ũsumbĩ waku nĩwũke; kwenda kwaku nĩkwĩkwe kũũ nthĩ o tondũ kwĩkawa ĩtunĩ.

Tũnenge kĩla mũthenya lĩu ũtwĩanĩe.

Tũekee mavĩtyo maitũ, o tondũ tũmaekeaa ala matũvĩtĩasya.

Ndũkatũlikye matatwanĩ; ĩndĩ ũtũvonokye kuma kwa Ũla Mũthũku.’

“Kwoou ethĩwa mũkaekea andũ ala mamũvĩtĩasya, nake Ĩthe wenyu ũla wĩ ĩtunĩ akamũekea mavĩtyo menyu.

Kwa sisyai nyũnyi: Iivandaa kana kũmbany'a ngetha ikekĩa makũmbĩnĩ, ĩndĩ Ĩthe wenyu ũla wĩ ĩtunĩ nũiĩthasya! Inyw'ĩ mũi vata mũno mbee wa nyũnyi?

“Mũikeyiĩe ũthwii kũũ nthĩ, kũla ngulu na nganga itonya kũwananga, na ing'ei itonya kũtũla ikawũya. Ĩndĩ ĩyiĩei ũthwii ĩtunĩ, vala ngulu na nganga itawananga, na ing'ei itatonya kũtũla ikawũya. Nũndũ vala ũthwii waku ũĩ, novo ngoo yaku yĩthĩawa.

“Vai mũndũ ũtonya kwĩthĩwa e mũthũkũmi wa anene elĩ, nũndũ akamwenda ũmwe na aimena ũla ũngĩ, kana amwĩw'e ũmwe na aivũthya ũla ũngĩ. Kwoou mũitonya kũthũkũma Ngai mũkwatanĩsye na ũthwii.

Ngai nĩwe ũnengae mĩmea ya kĩthekanĩ wanake ũsu, o na kau yĩthĩawa vo ũmũnthĩ na ũnĩ ĩitw'ĩkĩthw'a ngũ. Kwa w'o akamwĩka inyw'ĩ nesa mbee! Nĩkĩ mwĩ na mũĩkĩĩo ũnyivĩte ũu?

Kwoou ĩndĩ wanengane ũtethyo, ndũkatavye mũndũ o na wĩva ũndũ ũsu, na kwa nzĩa ĩsu vai mũndũ emanya ũndũ weeka. Ĩthe waku ũla wonaa maũndũ ala mekawa kĩmbithĩnĩ, akakũtuva.

“Sisyai mũikekae meko ma mũĩkĩĩo andũnĩ nĩ kana mwĩyonany'e kũla maĩ. Mwoona mweeka ũu, mũikakwata ĩtuvi kuma kwa Ĩthe wenyu ũla wĩ ĩtunĩ.

“Yĩla mwatĩĩa kũya, mũikekale mũtukĩtye ũthyũ o tondũ andũ ma mĩseũvyo mekaa. Matukasya ũthyũ nĩ kana andũ mone nĩmatĩĩte kũya. Nĩmũtavya w'o, nĩmakwatĩte ĩtuvi yĩla yoo. Kwoou yĩla we watĩĩa kũya, ĩkalasya ũthyũ waku wĩ mũkenũku na ũisanũa nzw'ĩĩ, nĩ kana andũ maikamanye kana nũtĩĩte kũya. No Ĩthe waku ũla ũtonekaa na metho ũkamanyaa, nake Ĩthe waku ũla wonaa maũndũ ala mekawa kĩmbithĩnĩ akaũtuva.