1
Mat 5:15-16
MBIVILIA ŨVOO MŨSEO
KAMBA
Vai mũndũ ũkwatasya taa na aiũkunĩkĩlya mbisũ. Ĩndĩ nũwilĩĩlaa vandũ vatũlu, nĩ kana ũmulĩkĩle andũ onthe ala me nyũmba. O ta ũu, kyeni kyenyu kyaĩlĩte kũmulĩkĩlaa andũ, nĩ kana mone mawĩa menyu maseo ala mwĩkaa, na maimũkumya ĩthe wenyu ũla wĩ ĩtunĩ.
2
Mat 5:14
“Inyw'ĩ mwĩ ta kyeni kwa andũ onthe ĩũlũ wa nthĩ. Ndũa yakĩtwe kĩĩmanĩ ĩũlũ ndĩvithĩka.
3
Mat 5:8
Nĩ aathime ala atheu ngoo, nũndũ makamwona Ngai.
4
Mat 5:6
Nĩ aathime ala mekwenda mũno kwĩka ũla waĩlu, nũndũ Ngai akamatonyethya kwĩka ũu!
5
Mat 5:44
Ĩndĩ nakwa nĩmũtavya kana nĩmwaĩlĩte kũmenda amaitha menyu na kũvoyeaa ala mamũthĩnasya.
6
Mat 5:3
“Nĩ aathime ala me na ũkya wa kĩ-veva, nũndũ ũsumbĩ wa ĩtu nĩ woo!
7
Mat 5:9
Nĩ aathime ala maetae mũuo katĩ wa andũ, nũndũ Ngai akameta syana syake!
8
Mat 5:4
Nĩ aathime ala me na kĩĩo, nũndũ Ngai akamakiakisya!
9
Mat 5:10
Nĩ aathime ala mathĩnaw'a nũndũ wa kwĩka ũla waĩlu, nũndũ ũsumbĩ wa ĩtu nĩ woo!
10
Mat 5:7
Nĩ aathime ala mew'ĩaa andũ ala angĩ tei, nũndũ Ngai akamew'ĩa tei!
11
Mat 5:11-12
“Mwĩ aathime inyw'ĩ yĩla andũ meũmũumanga, na kũmũthĩny'a na kũmwilĩĩla ndeto nthũku sya kĩla mũthemba kwondũ wa kwĩthĩwa mwĩ aatĩĩi makwa. Tanai na kwĩw'a mũyo, nũndũ nĩmwiĩwe ĩtuvi ĩnene mũno ĩtunĩ. Ũu now'o athani ala maĩ kw'o mbee wenyu mathĩniw'e nĩ andũ.
12
Mat 5:5
Nĩ aathime ala auu, nũndũ makakwata kĩla Ngai wathanĩte.
13
Mat 5:13
“Inyw'ĩ mwĩ ta mũnyũ kwa andũ onthe ĩũlũ wa nthĩ. Ĩndĩ ethĩwa mũnyũ nĩwaasya mũsamo, vai kĩndũ kĩtũngĩĩa mũsamo waw'o. Ũtw'ĩkaa wa mana na kwoou ũyĩkw'a ĩtheka na kũkinyangĩawa nthĩ nĩ andũ.
14
Mat 5:48
Kwoou no nginya mwĩthĩwe mwĩ ethĩanu, o tondũ Ĩthe wenyu ũla wĩ ĩtunĩ mwĩthĩanu.
15
Mat 5:37
Kwoou ethĩwa kĩla ũũneena nĩ kya, ‘Ĩĩ,’ asya o, ‘Ĩĩ,’ na ethĩwa nĩ kya, ‘Aiee,’ asya o, ‘Aiee.’ Ũndũ ũla wĩ mbee wa vau, wumaa kwa Ũla Mũthũku.
16
Mat 5:38-39
“Nĩmwĩw'ĩte kana nĩkwĩĩtwe atĩĩ, ‘Mũndũ akũtonya itho, o naku mũtonye yake; na mũndũ akũkũa ĩeo, o naku mũkũe yake.’ Ĩndĩ nakwa nĩmũtavya kana mũndũ ndakeyĩĩvanĩsye eekwa naĩ nĩ ũngĩ. Ethĩwa mũndũ nĩwaũkũna ĩtaunĩ ya kw'oko kwa aũme, mũthyũũĩe yĩla yĩngĩ o nayo.
17
Mat 5:29-30
Kwoou ethĩwa itho yaku yĩkatuma wĩka naĩ, yĩthong'olye ũyĩkye ĩtheka! Nĩ kavaa kwaku kwasya ĩmutha yĩmwe ya mwĩĩ, kũte mwĩĩ waku w'onthe kwĩkw'a ĩianĩ ya mwaki. Ethĩwa kw'oko kwaku kũkatuma wĩka naĩ, kũtile ũkwĩkye ĩtheka! Nĩ kavaa kwaku kwasya ĩmutha yĩmwe ya mwĩĩ, kũte mwĩĩ waku w'onthe kũtwawa ĩianĩ ya mwaki.