1
Matiyo 27:46
FỊAFỊA BAỊBỤLỤ
KBTP
Tẹra so ḅiri ḅụ Jizọsị kụrọma oloku tẹ ḅẹẹm, “Ẹli, Ẹli, lẹma Sabakitani?” Anie fiearị ye, “Ị̀ Tamụnọ, ị̀ Tamụnọ, tiye ẹrẹsị ị́ ị̀ kẹ gbin koroma tẹ so?”
2
Matiyo 27:51-52
Anịtẹso ịn kẹ Tamụnọ-warị mẹ ḅio kiki-pẹlẹ-ḅịtẹ mẹ, tẹ sololo sime ye mẹ, maaịn puum, ọgọnọ ideri-ḅo suku la. Kiri jikem, ịkụ ma puu kọsịm, ḍuḅu ma kan finjim, tẹ Tamụnọ ori atomi ma tẹ fịị ḅọrọtẹ apụ ma ḅẹ tọnwa-apụ saakịmam.
3
Matiyo 27:50
Tẹ Jizọsị sin kụrọma oloku tẹso, ori ịnyọ nwẹnị biin.
4
Matiyo 27:54
Ọmụ-alaḅọ ḅe na ori na sime ọmụapụ ma na, tẹ Jizọsị koru sime apụ ma, kiri jike ye mẹ na, paka jen ye goyegoye ẹrị tẹso, ịn ḅalafa lama tẹ ḅẹẹm, “Karakara-ḅara-ḅụ ḅieḅe anie Tamụnọ Tụḅọ!”
5
Matiyo 27:45
Anị ḅo eneḅaka ogbo la sakị, kanakana ḅo bebe ama mẹ gbaịn tẹ, sonio aso ọkị mu esenia aso la anị nwẹn kẹ ọkọ simem.
6
Matiyo 27:22-23
Payịleti nwẹnị ịn gbela, “Anịsakị à tọ-ḅara kẹ Jizọsị ịn kẹ Mẹsaya sịn-arị ḅọ ḅe mịẹ ḅẹ?” Inimgba nwẹnị pakịrị, “Ọ̀ kẹ ẹngbẹsẹ-sịn ḅụ ḅakụụ!” Kụma Payịleti gbelam, “Ọ̀ tọ siye mịẹ?” Anịtẹso ịn nwẹnị saakị kụrọma oloku-oloku tẹ ḅẹẹ, “Ọ̀ kẹ ẹngbẹsẹ-sịn ḅụ ḅakụụ!”