Populære bibelvers fra Matiyo 26

Ó koru tẹ tẹkẹẹ, mịẹtẹ ọ́ daaḍiki ḅio sọ ḅịa ḅara. Tẹmẹ ḅe minini wararị, kụma meni-oju mẹ ịnyọ nyana-a.”

Tẹ ori ịn ḅẹẹm, “Ì ḅioḅẹngbọ ponomarị kururu mẹ ḅaka ḅara ẹrẹsị anị ị̀ ḅaa ḅẹ-yearị. Ọ́ mịanga sime tẹ ị̀ na koruu.”

Ọ̀ nwẹnị kẹlẹ mẹnjị tọrọkọ mu, tẹ amịna ḅụụ sẹma-kiri-gbin, tẹ iḅo tẹ tẹkẹ, “Ị̀ Ḍa, anị inetẹ mịẹ ḅarị ḅẹḅẹ, ị̀ ḅara ḅụ mị kururu kọpụ mẹ siin! Anịsọ à ḅii ḅara-a, kụma ị́yẹrị ḅii ḅara.”

mie ị̀ ọmbie mẹ, tẹ Tamụnọ kẹ ori ọḅọkụ mẹ mịẹ kụrọmarị ye mẹ, ị̀ ọmbie tẹ tọnwa atomi asi wẹrịso gotẹ ọsụ-sara ye mẹ.

In ye mẹ fịarị ogbo, Jizọsị nwẹnị fịturu ọkị, tẹ ịmịẹtẹ kẹ Tamụnọ ḅẹẹ tẹ, anị paịn tẹ kẹ ò ḍukamẹnjịapụ ma pịrị. Ori mẹẹ, “Ọmịnị ọkị tẹ fị, mie ì oju mẹ.”

Anịtẹso ọ̀ mọngị mẹ ọkị tẹ ịmịẹtẹ kẹ Tamụnọ ḅẹẹ tẹ anị kẹ ịn pịrịm. Ori mẹẹ, “Ọmịnị-mgba anị ḅuu

Anịtẹso Jizọsị pịkịma ò ḍukamẹnjị tẹra apụ ma dama-mu tẹ ini ẹrịm ịn monoarị; tẹ ọ̀ nwẹnị Pita ḅẹẹ, “Ndẹẹ ọmịnị tẹra apụ ma inetẹ gbọrụ sakị kịngẹ sọ kẹ mono-a tẹ ị̀ na koru-a ḅara?

À ḍuko ọ́ pịrịarị, à ḅarị jen-maaịn kẹ mị iru mẹ ḅuu ḅịa, nwenii ị̀ Ḍa ḅe Ama-da tẹ ḅẹrẹtọn-arị anga mẹ ḅụ àrị ọmịnị na ịwọ iru mẹ ḅuu sakị la ḅa.”

tẹ Pita nwẹnị Jizọsị ḍuko ọ̀ pịrị ḅọrọma tẹ ye mẹ kẹ ḅiokoroma: “Tẹrẹmẹ ọḅọkọ paan, ị́ tẹra sakị kẹ ḅẹẹ ḅa mịnẹ í ì nimi-a.” Ọ̀ nwẹnị mẹnjị paka tẹ tẹmẹ-la ḅara kẹ owu.

Ọ́ saakịị, ó yee wa so. Ḍikii, ḅie ị̀ kẹ dẹrịmarị tomḅọ ḅe mịanga!”

Jizọsị nwẹnị ọ̀ ḅẹẹ, “Í okologie mẹ kẹ sin lubulu mẹ ḅio suu wẹrịị. Ogie sin-arị apụ mamgba ogie fịị mie ịn kọn ḅarịye.