Populære bibelvers fra Yowani 14

Del

Ko itoro jinyo o ikapiya no onowned nyo. So na ikanoyong a yapo jyaken no apiya onowned nyo. Am meytarek ori a kano ipanci da no tao do karawan ikapiya no onowned. Am ori an, ji nyo a raci so onowned. Ji kamo anyahey.

Maniring si Yeso am, “Yaken am rarahan nyo. Yaken am yanan no manoyong a nanao. Yaken am yapwan no to meyyonong a ikavyay no pahad nyo. No ko abo am abo tao a makatanggeh ji Ama ta do to. So ika yaken no ipakatokod nyo ji Ama ta do to.

Maniring pa si Yeso jira am, “Ji kamo a rahet so onowned an. Ta anoyngan nyo si Ama ta do to a ka nyaken an.

O yasomidong jinyo a Seyzi am tovoin na jinyo ni Ama ta do to a kapalit ko a kananao na jinyo no makakaday a vazay a kapakanakem nyo na so mina ciring ko jinyo no kakwa.

O mangononong do nanao ko am manoyong o akman sang a maglaw nyaken. O maglaw nyaken a tao am akman sang si Ama a marilaw nira. So karilawan ko nira. So ika yaken no somidong sira a manoyong a makateneng jyaken.”

Ipanci ko ji Ama a kapanta na ninyo so somidong jinyo a Seyzi, kato na rana meyyonongan a macikaop jinyo. Iya rana am yamapatwaw so manoyong a nanao ni Ama ta do to. Am da to nazibwan no yaji nganoyong jyaken a tao. Ta da jyacita. Am ori o da ji makatenngi jya. Am inyo am nyo katenngan o Seyzi a macikaop jinyo a Rarey nyo a yaji macisyay jinyo.

No mapasyasi kamo a meyhanhan no ngaran ko am amizngen ko inyo. So ikanoyong no azwazway ni Ama ta do to a mangay tomwaw jyaken a Anak na. No mapasyasi kamo jyaken do makakaday a meyhanhan no ngaran ko am amizngen ko inyo.

“No si manoyong o kaglaw nyo nyaken am pangononongan nyo o nanao ko.

Yaro o yanan do vahay ni Ama. O ko yangay am ko mangay peykala inyo so yanan nyo. No si jyanoyong o akman sang am ji ko mancyan jinyo.

No si manoyong o kangay ko a meykala ninyo so yanan nyo am meysinaoli ko pa a mangay a omahap jinyo a kapacitovong nyo jyaken.

Maniring jya si Tomase am, “Namen jyatenngi mo angayan, mo Panirsirngen. Am ori o namen ji makatenngi do rarahan ang.”