Populære bibelvers fra Yowani 13

Del

O itoro ko a vayo a inanao ko jinyo am masicyakarilaw kamo. To nyo nita o aryarilaw ko jinyo. Ta akman kamo so sang a masicyakarilaw. No si manoyong o kapasicyakarilaw nyo am katovilan da na inyo no tao do karawan a manoyong a omanop jyaken.”

Yaken am Panirsirngen nyo, yamnanao jinyo a yaniomoyas do ai nyo. Akman kamo sang a omoyas do ai no kadwan jinyo. Yamyan rana so yako nipacita jinyo. So to nyo vangovangoni sya peyvazain an.

Maniring si Yeso am, “Mo jyatenngi pa o vazay ko sicyaikwaya. Am no kadadayan no araw am katenngan mo na.”

To ko na macitangayan jinyo am ji na meyhavasi no pavahain da tao o mapavahay sya an. Jyakarakarang o pahanhanen da kano mapahanhan sya an.

No nyo na katenngan o akman sya nanao am no si pangononongan nyo am tey rako o sarasaray nyo an.

Am ori o peytatanek na do yanan na kapakaro na so magorogod na a mahap so asa ka veynget a pabteken do kawakan na. Karahan am mapaglo so ranom do simingki a kaoyas na rana do ai no macinanao jya a kalinas na do ai da no veynget.