Populære bibelvers fra - पैलो इतिहास 29

Del

हे यहोवा परमेसुर! मईमा, पराक्रम, सोभा, सक्‍ति और बैभव, तोरोई आय; कायसे पृथ्वी और आकास में जो कछु आय, ऊ तोरोई आय; हे यहोवा परमेसुर! राज तोरो आय, और तें सबरों के ऊपर खास और बड़ो ठैरो आय।

धन और मईमा तोरी कोद सें मिलत आय, और तें सबरों पै राज करत आय। सक्‍ति और पराक्रम तोरेई हाथ में आय, सबरे मान्‍सन हों बढ़ाबो और ताकत देबो तोरे हाथ में आय।

मैं का आंव और मोरी परजा का आय कि हम हों ई रीत सें अपनी मरजी सें तोहों भेंट दैबे की सक्‍ति मिले? तोरेई सें तौ सब कछु मिलत आय, और हमने तोरे हाथ सें पाकें तोहों दओ आय।

ई लाने अब हे हमाए यहोवा परमेसुर! हम तोरो धन्‍नवाद करत और तोरे परतापी नाओं कौ भजन करत आंय।

तब दाऊद ने सबरी सभा के सामूं यहोवा परमेसुर कौ धन्‍नवाद करो, और दाऊद ने कई, “हे यहोवा परमेसुर! हे हमाए पिता इस्राएल के यहोवा परमेसुर! अनादिकाल सें अनन्‍तकाल लौ तें धन्य आय।