Populære bibelvers fra Tơlơi Tơbiă 3

Del

Ơi Adai laĭ kơ Môis: “KÂO JING PÔ KÂO JING.” Ñu laĭ dơ̆ng: “Brơi ih laĭ bĕ hăng ană plei pla Israel tui anai: ‘PÔ KÂO JING hmâo pơkiaŏ kâo rai pơ ƀing gih.’”

Ơi Adai laĭ: “Kâo či dŏ hơbĭt hăng ih, anai jing gru kơnăl kiăng ih thâo Kâo hmâo pơkiaŏ nao ih. Tơ ih hmâo ba ană plei pla tơbiă mơ̆ng čar Êjip laih, ƀing gih či kơkuh pơpŭ kơ Ơi Adai ƀơi čư̆ anai.”

Ơi Adai laĭ: “Anăm rai jĕ ôh; toh hĭ bĕ klĭ juă ih, yua kơ anih ih hlăk dŏ anai jing lŏn rơgoh hiam.”

Yêhôwa laĭ: “Kâo hmâo ƀuh rơđah rơđong laih tơlơi tơnap tap kơ ană plei pla Kâo amăng čar Êjip, laih anŭn Kâo hmâo hmư̆ laih tơlơi gơñu ur krao yua kơ ƀing khua wai lăng bruă gơñu; Kâo thâo krăn tơlơi ruă nuă gơñu. Kâo trŭn kiăng pơklaih ană plei pla anai mơ̆ng tơngan ƀing Êjip, ba gơñu tơbiă đuaĭ mơ̆ng čar anŭn, ba gơñu truh pơ sa anih lŏn hiam laih anŭn prŏng, anih bă hăng ia tơsâo laih anŭn ia hơni, jing anih dŏ ƀing Kanaan, ƀing Hitit, ƀing Amôrit, ƀing Pêrisit, ƀing Hiwit, laih anŭn ƀing Jêbusit.

Ling jang adai Yêhôwa pơrơđah rai hăng ñu amăng jơlah apui, tơ̆ng krah pum drơi. Ñu ƀuh apui ƀơ̆ng pum drơi samơ̆ pum drơi ăt dŏ hơnơ̆ng.

Tui anŭn rai bĕ pơ anai, Kâo či pơkiaŏ ih nao pơ Pharaôn kiăng kơ ih ba ană plei pla Kâo, jing ƀing ană plei pla Israel tơbiă đuaĭ mơ̆ng čar Êjip.”