Populære bibelvers fra Tơlơi Tơbiă 4

Del

Yêhôwa laĭ kơ ñu: “Hlơi pô pơjing rai amăng bah ană mơnuih? Hlơi pô ngă brơi kơ ană mơnuih kơmlô, jing tơngil, jing bơngač ƀôdah bum? Ƀu djơ̆ ôh hă yua mơ̆ng Kâo, jing Yêhôwa? Tui anŭn, ră anai nao bĕ Kâo či dŏ hrŏm hơbĭt hăng amăng bah ih, laih anŭn pơtô ih hơgĕt ih či pơhiăp.”

Môis laĭ hăng Yêhôwa tui anai: “Ơ Khua Yang, mơ̆ng hlâo truh pơ ră anai laih anŭn wơ̆t kơ hlăk Ih pơhiăp pơtă kơ ding kơna Ih, kâo ƀu jing sa čô mơnuih rơgơi pơhiăp ôh, bah jơlah kâo pơhiăp kĭ kơ̆.”

Yêhôwa hil kơ Môis laih anŭn laĭ: “Ƀu djơ̆ ôh hă Arôn, mơnuih Lêwi, jing ayŏng ih? Kâo thâo ñu jing mơnuih kơhnâo pơhiăp. Adi dih, ñu rai kiăng kơ bưp ih; tơ dưi bưp ih, pran jua ñu mơak mơai biă mă.