Populære bibelvers fra Luˇkaꞈ 6

Del

Aˬ cawˬ-ahˇ biꞈ-awˬ. Naw maꞈ aˬ cawˬ-ahˇ biꞈ naˇ, Miˬyehˇ naw maꞈ-ahˇ biˬ laꞈ tehꞈ-a. Miˬyehˇ naw maꞈ-ahˇ biꞈ nehˬ laꞈ ngeh, byah dui dui-eu cehˇ pehˬ-ahˇ neh pehˬ-awˇ, dehˬ teuˇ zuˆ teuˇ-eu uˬ taꞈ, pu cu cu ni tawˆ ahˇ-awˇ, naw maꞈ-euˬ pehˇ kʼahˬ pehˇ dahˬ-ahˇ shehˆ ahˇ nehˬ laꞈ tehꞈ-a. Naw maꞈ neh aˬ cawˬ-ahˇ kʼaˇ biꞈ nehˬ-euˬ myaˆ ni, Miˬyehˇ naw maꞈ-ahˇ biꞈ nehˬ laꞈ tehꞈ-a.”

Tsawˇ haˬ yaw muiˬ-aˬ, yawˬ ha-euˬ nui ma laꞈ kʼoeˇ jeˬ hmˬ taˬ-euˬ yaw muiˬ jeˬ yuˇ doˆ laꞈ-awˇ, tsawˇ haˬ yaw haiˬ-aˬ, yawˬ ha-eu nui ma laꞈ kʼoeˇ shaˇ dawˆ taˬ-euˬ yaw haiˬ jeˬ beuˬ doˆ laꞈ-eu meh. Aˬ jeˬ miˇ neh ehˇ naˇ, nui ma laꞈ kʼoeˇ kʼaˇ ahˇ-eu jeˬ, kʼaˬ meh-ahˇ ngehˬ doˆ laꞈ-eu meh.

Ehˇ kʼawꞈ, naw maꞈ-ahˇ muiˇ-eu deuˬ-ahˇ gaˬ-awˬ. Yaw muiˬ jeˬ mˇ-awˬ. Biꞈ kʼoꞈ nehˬ laꞈ gaˇ maˬ noeˬ tmˬ ni ngaˬ nehˬ paˇ nehˬ-awˬ. Kʼoeˇ loꞈ-ehˇ jahˇ naˇ, naw maꞈ gʼaˇ duˬ laꞈ sawˬ huiˬ dui dui-awˇ, Huiˬ dui Mahˇ dui dui-eu Gʼaˬ-euˬ zaˬ naw maꞈ pyeuꞈ laˇ tehꞈ-a. Aˬ jeˬ miˇ neh ehˇ naˇ, guiˬ lahˬ-ahˇ maˬ noeˬ mawˇ nya-eu tsawˇ haˬ hawˇ-eu haiˬ-eu tsawˇ haˬ deuˬ-ahˇ, aˬ yawꞈ gʼawˬ shaˬ gaˬ-eu meh.

Naw maꞈ-euˬ Aˬda gʼawˬ shaˬ gaˬ-eu nui ma ahˇ-eu loꞈ-ehˇ, naw maꞈ kʼawꞈ ahˇ-awˬ.

“Aˬ cawˬ-ahˇ yaw lehˬ taˬ poˆ. Naw maꞈ aˬ cawˬ-ahˇ yaw lehˬ maˬ poˆ naˇ, Miˬyehˇ naw maꞈ-ahˇ yaw lehˬ maˬ poˆ-aˇ. Aˬ cawˬ-ahˇ yaˇ kʼaˬ taˬ daˇ. Naw maꞈ aˬ cawˬ-ahˇ yaˇ kʼaˬ maˬ daˇ naˇ, Miˬyehˇ naw maꞈ-ahˇ yaˇ kʼaˬ maˬ daˇ-aˇ. Aˬ cawˬ-ahˇ iˬ baˇ pyehˬ nehˬ-awˬ. Naw maꞈ aˬ cawˬ-ahˇ iˬ baˇ pyehˬ nehˬ naˇ, Miˬyehˇ naw maꞈ-ahˇ iˬ baˇ pyehˬ nehˬ laꞈ tehꞈ-a.

Ehˇ kʼawꞈ, ngaˬ-euˬ ehˇ dawˬ ya gaˬ-euˬ tsawˇ haˬ deuˬ pyeuꞈ-eu naw maꞈ-ahˇ ngaˇ heu loꞈ-ehˇ ehˇ-eu ma. Naw maꞈ-ahˇ muiˇ-eu tsawˇ haˬ deuˬ-ahˇ gaˬ-awˬ. Naw maꞈ-ahˇ bye-eu tsawˇ haˬ deuˬ-ahˇ yaw muiˬ jeˬ mˇ nehˬ-awˬ. Naw maꞈ-ahˇ yaˬ kʼehˇ yaˬ-eu tsawˇ haˬ deuˬ-ahˇ dawˬ ngehˬ gʼeh nehˬ-awˬ. Naw maꞈ-ahˇ yehˬ bawˬ sehˇ lu-ehˇ jahˇ nehˬ laꞈ-euˬ tsawˇ haˬ deuˬ gʼaˇ duˬ guiˬ lahˬ shaˇ nehˬ-awˬ.

Aˬ cawˬ neh naw maꞈ-ahˇ kʼaˇ bi mˇ nehˬ mawꞈ-eu loꞈ-ehˇ, naw maꞈ aˬ cawˬ-ahˇ mˇ nehˬ-awˬ.

Nawˬ-euˬ baˬ ba-ahˇ tehˆ laˇ-eu tsawˇ haˬ-ahˇ, baˬ ba yawˬ pyawˬ yawˬ paˇ ciˬ daˬ nehˬ-awˬ. Kʼoeˇ taˆ dm daˆ taˬ-eu pehˇ kʼahˬ yuˇ geuꞈ laˇ-eu tsawˇ haˬ-ahˇ, laꞈ kʼoeˇ dm ahˇ taˬ-euˬ kahˇ kʼawꞈ bi yuˇ geuꞈ-awˬ. Nawˬ-ahˇ kʼaˇ shaˇ-eu tsawˇ haˬ-ahˇ biꞈ-awˬ. Nawˬ-euˬ myawˬ yuˇ geuꞈ-eu tsawˇ haˬ-ahˇ taˬ shaˇ kʼoꞈ.

“Aˇ bawˇ yaw muiˬ-ahˇ aˇ siˬ yaw doeˇ maˬ siˬ le nya-a. Kʼoeˇ gaˇ duˇ ni, aˇ bawˇ yaw doeˇ-ahˇ aˇ siˬ yaw muiˬ maˬ siˬ le nya-a.

Aˬ gah baw duˆ-ahˇ siˬ guˬ aˇ siˬ maˬ pyaˆ haw-aˬ. Aˬ gah laꞈ cehˇ baw duˆ-ahˇ aˬ gaꞈ aˇ siˬ maˬ pyaˆ haw-aˬ.