Populære bibelvers fra Luˇkaꞈ 5

Del

Aˬ yawꞈ mehˬ nehˬ tsoˆ nehˬ gʼaˬ ngeh, Siˇmoˬ-ahˇ ehˇ nehˬ-eu, “Iˇ cuꞈ yaw naꞈ paw lawˬ heu gʼeh-awˇ, za dzeh ahˇ gʼeh-awˬ.”

Siˇmoˬ ehˇ-eu, “Saˬ laˬ-oˇ, nga maꞈ uˬ ciꞈ miˇ lah-ehˇ dzeh dzeh-ehˇ shaˬ-euˬ kʼawꞈ, tiˬ mawˇ-iˬ maˬ dzeh mi-aˬ. Ehˇ kʼawꞈ, nawˇ kʼehˇ-eu miˇ neh ngaˇ dzeh haw ma.” Aˬ yawꞈ maꞈ za dzeh ahˇ gʼeh ngeh, ngaˬ shaˬ dzeh uˇ dui dui-euˬ miˇ neh, za pyaˬ-iˇ paˬ-ehˇ pyeuꞈ laˇ-euˬ meh.

Ehˇ kʼawꞈ, ciˬ cuˇ ni gʼeh-eu bawˇ tsahˬ bawˇ dahˇ-ahˇ Yeˬsuˇ iˇ-awˇ, guiˬ lahˬ shaˇ-iˇ-euˬ meh.

Aˬ cawˬ yaw zeu baw-eu tsawˇ haˬ deuˬ-ahˇ kuˇ-eu lehˇ ngaˇ oe-euˬ maˬ ngeuˇ. Iˬ baˇ zaˬ deuˬ iˬ baˇ bi noeˬ poˆ ni kuˇ-eu lehˇ oe-euˬ ma.”

Kʼoeˇ loꞈ-ehˇ pyeuꞈ laˇ-euˬ gaˇ Siˇmoˬ Beˬtuˆluˆ ya mawˇ ngeh, Yeˬsuˇ-euˬ mehˬ shi aˬ yawꞈ pawˬ tsuiꞈ pawˬ dmˬ dmˬ-awˇ ehˇ-eu, “Sahˬpaˬ-oˇ, ngaˇ jawˇ gaˇ neh doˆ-iˇ-awˬ. Ngaˇ-aˬ, iˬ baˇ huiˬ dui dui-eu tsawˇ haˬ tiˬ gʼaˬ ma.”

Aˬ yawꞈ maꞈ-ahˇ Yeˬsuˇ ehˇ nehˬ-eu, “Jawˇ saˇ doˆ luꞈ-eu deuˬ naˇ gawˇ laˆ saˆ-eu gʼaˬ-ahˇ maˬ loˬ-a. Jawˇ saˇ maˬ doˆ-eu deuˬ tehꞈ-ehˇ naˇ gawˇ laˆ saˆ-eu gʼaˬ-ahˇ loˬ-eu meh.

Aˬ yawꞈ maꞈ lawˬ kʼoeˇ nyiˬ laˇ-ahˇ lah lah dzeˇ gʼeu daˆ yaꞈ-awˇ, yawˬ jeˬ na luꞈ byehˇ dzeh yaꞈ jiˇ-awˇ, Yeˬsuˇ mehˬ nah caw teh gʼeh-euˬ meh.

Yeˬsuˇ meuˬ tiˬ meuˬ-ahˇ jawˇ luꞈ ngeh, gʼawˇ mawˇ mawˇ lah-ehˇ coiˬ doi naˇ byah taˬ-euˬ tsawˇ haˬ tiˬ gʼaˬ aˬ yawꞈ jawˇ gaˇ laˇ-awˇ, aˬ yawꞈ-ahˇ mawˇ ngeh, miˇ tsa awˆ byaˆ-awˇ ehˇ-eu, “Sahˬpaˬ-oˇ, nawˇ jahˇ nehˬ laꞈ mawꞈ naˇ, ngaˇ muiˬ laˇ shawˇ laˇ ni jahˇ nya meh.” Yeˬsuˇ aˬ laꞈ cawˬ ja-awˇ, aˬ yawꞈ-ahˇ toeˬ ciˆ-awˇ ehˇ-eu, “Ngaˇ jahˇ nehˬ mawꞈ ma. Muiˬ laˇ shawˇ laˇ-awˬ.” Kʼoeˇ ngeh, coiˬ coi naˇ gawˇ kʼoeˇ tiˬ poˆ tehꞈ-ehˇ byoˆ tsehˆ-euˬ meh.

Ehˇ kʼawꞈ, Yeˬsuˇ-euˬgaˇ kawˆ yaw beh naˆ maˬ tseˇ paˇ gaˬ doeˇ-iˇ-awˇ, aˬ yawꞈ dawˬ mehˬ mehˬ gaˇ naˇ haˬ-eu gʼaˇ duˬ hawˇ-eu, naˇ gawˇ bi laˆ taˬ-eu gʼaˇ duˬ, tsawˇ haˬ aˇ maꞈ deuˬ aˬ yawꞈ jawˇ gaˇ laˇ-euˬ meh.