Populære bibelvers fra Pemansut 9

Del

Tang tu kebuah aku nejuka nuan idup, kena Aku ngayanka kuasa Aku ngagai nuan, ngambika nama Aku dikenang di serata dunya.

TUHAN lalu bejaku ngagai Moses, “Alai nuan mansang ngagai raja, lalu padahka ngagai iya, ‘Ku TUHAN Allah Taala orang Hebrew bejaku: Lepaska nembiak Aku, ngambika sida ulih nyembah Aku.

Laban enti sema Aku udah ngangkatka jari Aku lalu ngasuh nuan enggau orang Ejip kena laban penyakit, semua kita tetap udah abis mati.

Aku deka ngasuh penyakit ti balat amat nyerang jelu tupi kita, kuda, keledai, unta, sapi, bedus enggau kambin kita. Aku deka ngaga bida entara jelu tupi orang Israel enggau jelu tupi orang Ejip, ngambika nadai siku jelu orang Israel deka mati.

Ba maya tu pagila, Aku deka ngasuh ujan batu balat nyadi, baka ke nadai udah kala nyadi di menua Ejip, kenyau ari menua tu digaga nyentuk ngagai diatu. Nya alai, asuh orang mai semua jelu tupi enggau semua utai bukai ti dikemisi kita di padang, ngagai endur ti likun; laban ujan batu deka ninggang mensia enggau jelu ti nadai utai ngelindung di padang, lalu semua sida deka mati.’ ”

Amau nya deka nyadi amau ti alus lalu ngachir di serata menua Ejip. Abus nya deka ngasuh semua mensia enggau jelu diempa pisa, ti deka nyadi rumbak ti dilak-dilak ba tubuh mensia enggau jelu di serata menua Ejip.” Seduai iya lalu ngambi amau, lalu bediri di mua raja. Moses lalu ngerabuka amau nya ngagai angin, lalu amau nya ngasuh mensia enggau jelu diempa pisa, ti nyadi rumbak ti dilak-dilak ba tubuh mensia enggau jelu.