Populære bibelvers fra Pemansut 10

Del

Udah nya TUHAN bejaku ngagai Moses, “Alai nuan mansang ngagai raja; laban Aku udah ngasuh ati iya, enggau ati bala pemesai iya kieh, ngambika Aku ulih ngereja kereja ajih ba bala sida, sereta ngambika kita ulih madahka ngagai anak uchu kita chara Aku ngemelika orang Ejip, enggau kereja ajih ti dikereja Aku ngagai orang Ejip; ngambika kita nemu Aku tu endang TUHAN.”

Udah nya TUHAN bejaku ngagai Moses, “Kedarka jari nuan ke langit, ngambika pemetang ti enda dipeda achuk mata mungkur menua Ejip.” Moses ngedarka jari iya ke langit, lalu pemetang ti enda dipeda achuk mata mungkur semua menua Ejip tiga hari. Orang Ejip enda ulih meda pangan diri, lalu nadai orang mindah ari rumah lebuh maya nya. Tang ba endur alai orang Israel diau, menua nya tampak.

Moses lalu ngedarka tungkat iya. TUHAN lalu ngasuh ribut muput ari timur ngagai menua Ejip, sehari-hari, semalam-malam nya. Pagi hari siti, buntak endang udah datai dibai ribut ti muput ari timur. Buntak nya datai beraban-raban, lalu inggap di serata menua Ejip. Nadai orang udah kala meda buntak ngemayuh nya kelia, tauka udah lepas nya.