Populære bibelvers fra Proverbios 12

Del

Tnoꞌo suchi ini ja oo ini anu ñayiu skuita ña jin. Su in tnoꞌo vii tnoꞌo vaꞌa ndasaꞌa sii ini ña jin.

Na in kutoo tnoꞌo ja ka xteku ña jin, te kutoi tnoꞌo ndichi. Su na in skexiko tnoꞌo ja ka kuxeen nui, te kui in ñayiu vasa.

Tnoꞌo ja ka kaꞌan sava ñayiu nuu tu ka ndakani guaꞌa ini, xtuji inka ñayiu na kuinio in yuchi kani. Su tnoꞌo ka kaꞌan ñayiu ndichi kuu na kuinio tatna ja ndasaꞌa ña.

Ñayiu vasa, chi ndakani ini ja oo guaꞌa ndiꞌi ja saꞌi. Su ñayiu ndichi, chi nini tnoꞌo ja ka xteku ña jin.

Ñama xneꞌe ñayiu vasa mai ja kiti ini. Su ñayiu niꞌnu ini, chi tu saꞌi kuenta ja ka kaneꞌe ña jin.

Ñasiꞌi guaꞌa ndevaꞌa kuu ña na kuinio in ita ja ni ndukutu vii xini yii ña. Su ñasiꞌi kueꞌe, chi kuu ña na kuinio in kueꞌe ja xteꞌi yiki yii ña.

Skexiko ña Jitoꞌo jin ñayiu kaꞌan tnoꞌo tnoꞌo. Su kusii ini ya jin ñayiu ka saꞌa ndaa.

Ñayiu ndaa kui taniñu ja ka ndikin ña tnaꞌa kuikin. Su ichi ja ka jika ñayiu kueꞌe jaka ña ja vi nai.

Na in kaꞌan ndaa, te koi nikuii nikani. Su na in kaꞌan tnoꞌo tnoꞌo, te nunuu ni koi.