Populære bibelvers fra Proverbios 11

Del

Na ñayiu vaꞌa ini, te jinkoo vaꞌa kai, te na ñayiu jiñaꞌa, te suni ndaniꞌi kai.

Ka oo sava ñayiu guaꞌa ja ka jiñaꞌa kuaꞌi, te viꞌi ka ka ndaniꞌi saa nagua ka jiñaꞌi. Su sava ñayiu, chi saa suaꞌa ka tavaꞌi ja vi kuñaꞌi, saa te ka nduu ndaꞌu kai.

Nuu vaji tnoꞌo teyii, te suni yun vaji tnoꞌo kanoo. Su oo tnoꞌo ndichi jin ñayiu ka saꞌa ndaꞌu mai.

Nuu ja tu na in tee xteku guaꞌa in ñuu, te skunaa. Su nuu ka oo kuaꞌa tee ka xteku ña, te kee guaꞌa ñuu yun.

Te tniuu ja saꞌa ñayiu ndaa kuu na kuinio in yutnu ja jiñaꞌa ja teku ñayiu. Te ñayiu ndichi kuu ñayiu ndatau sava ka ñayiu nuu jakueꞌe.

Ñayiu jika jin kuentu, chi ndiꞌi ni tnoꞌo ndakani. Su ñayiu kukanu inio, chi ndiꞌi ni tnoꞌo tavaꞌi nuu anui.

Te tee kundaꞌu ini inka ñayiu, te suni saꞌa de javaꞌa maa de. Su tee saꞌa jakueꞌe inka ñayiu, chi suni ndasaꞌa kueꞌe de maa de.

Na in kukanu ini ja kuika nevaꞌi, te nai na kuinio ndaꞌa yuku yichi. Su ñayiu ndaa, chi vi nduu jai na kuinio ndaꞌa yutnu.

Tu nagua jiniuꞌu ja kokuo ñayiu kuika kiuu ja sandaa ia Dios kuechi. Su tniuu ndaa ja ka saꞌo skaku niꞌnu ña ja ma vi kuo.

Tniuu ndaa ja ka saꞌa ñayiu ndaa kuu ja ndeka ndaa kuiti ña jin. Su yika kuechi ja ka saꞌa ñayiu kueꞌe yun xnaa ña jin.

Na kuinio xeꞌe kuu oro ja yiꞌi kutu kuchi, saa kuu ñasiꞌi vii ndevaꞌa ja tu kukanoo ña nagua saꞌa ña.

Skexiko Jitoꞌo nuu tu ka chikuaꞌa ndaa ñayiu ka xiko, su junkuaan ini ya nuu ka chikuaꞌa ndaa ñayiu.