Iironga 7
7
ONTOPORUA 7.
Stefanus
1Ongashi omupristeri omukuruntu a ti: “Otsho tshi ri ngaano?”
2Stefanus okua jamukura: “Jarumentu jamuameme nootate, puakeneni! Karunga kesimano oku’orokere tate Abraham ngija a ri mu Mesopotamia manka ina rumba mu Haran.
3E mu rombuerere: ‘Za mo mevi rjaandjeni mo motshirongo tshaakuazimo, ngueje u he kotshirongo, andi tshi ke ku urukira.’
4Nena nduno okua zi mevi rjaakaldea, ta tura mu Haran. Okuza hoka, she sho a si,#7:4 Kari shi eso rjorutu, aaue, ondi rjomuenjo. Tare, she ha Abraham okua pukire. he te mu eta mevi ndika#7:4 Evi ndika orjo evi rja Kanaan. mu mu ri sigo onena.
5Moka ine mu pa mo nande uuciga u cike pomutamo guompadi, aaue, okue ri mu rombuerer’ike, ri ninge rje noruvaro rue okuza ku he, nanto okua ri ke na omona.
6Karunga okue mu rombuera nokutja: Oruvaro rue otaru ka ninga aakuiirongo mevi rjaantu jarue, taa turua muupika#7:6 Okutja uupika uaaisraeli motshirongo tsh’Egipti. noku mon’iishuna uure ueemvo omacere gane.
7Ndere otshiguana shi taa rongere muupika, ngaje andi tshi pangura, Muene ta ti.
Okuza mpoka taa tembuka, jo taa ka karerandje peshara ndika.
8H’okue mu pa eguaneno rjefukareko. Otsho a varerua Isaak, he te mu fukareke mesiku etiuunutatu. Isaak okua varerua Jakob. He Jakob ta varerua aapatriarke omurongo na jaari.
9Jo aapatriarke oja sire Josef okasheshe, taje mu randa po ku Egipti. Ndere Karunga okua ri puamue na he.
10Okue mu upica muudigu ue aushe, te mu pe oshenda nuunongo kotshipara tsha Farao, ngu omukuaniirua gu’Egipti. Ongoka e mu ningi erenga enene mu Egipti no mombara he ahishe.
11Ndere ondjara he ja ha geja motshirongo atsishe tsh’Egipti no mu Kanaan, opua ri oruepo orunene, ootate kua kaa mon’iikurja.
12Ndere Jakob, sho a huvu nokutja mu Egipti omu niirja, okua tumu ko ootate#7:12 Aantu mboka ojo aamuashe ja Josef. ekato rjotango.
13Sho ja ri ko orutijari, Josef ta dimbururua kaamuashe. Ongashi Farao a tshiua ezimo rje.
14Nena Josef ta tumu ko, nde t’icana she Jakob nezimo rje arishe, okutja aantu eemrongo uunuuari na jatano.
15Otsho Jakob a hi ku Egipti, hu a ka sira, he muene nootate.
16Oja farua ku Sikem, taa rangekua mombira ndjoka Abraham a randere iimariva kaana ja Hamor mu Sikem.
17Ndere ecimbo rjomarombuerero#7:17 Ogo omarombuerero goruvaro orunene ndi Karunga a shunganekere Abraham, sho rj’engene popepi, aantu oja ningi ojendji mu Egipti#7:17 Aantu aaisraeli oja ninga ojendji mu Egipti.
18sigo okecimbo rjomukuaniirua gurue guomu Egipti, ngu ina tshiua Josef.
19Ngu a kotokerere otshiguana tshetu, t’epeke ootate, e ja ciminika okuekerashi uunona uauo, kau kare u nomuenjo.
20Mecimbo tuu ndika omo Moses a varua. Karunga e mu panda, nde ta jamicua eemuedi ndatu mondjugo ha she.#7:20 Eno, Moses okua ri a hucua okuninga omuhupici guaaisraeli
21Ndere sho a ri a hekeruashi, omumua Farao omukadona te mu kuca po, te mu putuda a f’omumati gue muene.
22Moses okua rongua eendunge adishe daaegipti, a ri neenkondo odindji meehapu no miironga je.
23Ndere sho a ningi eemvo eemrongo ine, okua adikua momuenjo gue kediradiro rjoku ka tarera po aamuashe, nokutja aana j’Israel.
24Sho a mona gumue a mon’iishuna neji, okue mu upica, a ning’omupopiri guomuhepekua, he ta dipaga omuegipti.
25Okua ri a ruka aamuashe taa tshi dimburura nokutja Karunga a hara oku ja etera ekuaco keke rje. Ndere inaa tshi dimburura.
26Esiku rja nofu ta hi ku jo manka taa ru. A hara e ja angukunune nombiri, he e ja rombuere: ‘Jarumentu, ne amushe aamuashe, otshike ano mua ningiracana uuhineji?’
27Ndere nguijaka kua ta arura neji mukuauo okue mu umpire nde ta ti: ‘Ore e ku tura po u ninge omureri ngu’omutokori gueehapu detu?
28Oua ara shira okudipagandje ngashi ua dipaga omuegipti ohera?’
29Moru’eehapu dika Moses okua h’onda po, ta ka ninga omukuiirongo kevi rja Madian. Moka a varerua ojana aamati jaari.
30Eemvo eemrongo ine sho da piti, mombuga moka mu nondundu Sinai, omujengeli#7:30 Omujengeli nguno oguo keendunge daafatururi ojendji Omona gua Karunga. okue mu orokere momuriro guomano ga sama.
31Pokumona emoniko ndika Moses okua cikama a rurirua. Sho a hengene popepi e ri tare naua, oku’uvu eui rja Muene rja ti:
32‘Ongaje Karunga koosho, Karunga ka Abraham, Karunga ka Isaak, Karunga ka Jakob! Moses okua kekama, in’erekera oku tara ko ue.
33Ndere Karunga ta ti ku he: ‘Shura ko eengaku dohe, oshoka eshara ndika ua cikama, orjo evi ejapuki.
34Ngaje onda mona uudigu uotshiguana tshandje mu Egipti, nde nd’uvu omakemo gauo. Onda kuruka ndi ja mangurure. Ira ano, ngaje ndi ku tume ku Egipti.’
35Omoses tuu ngu, jo ja dina sho ja ti: ‘Ore e ku tura po omureri nomutokori guetu’ongoka Karunga a tuma ng’omureri h’omuhupici nekuaco rjomujengeli, ngu e mu orokere momano.
36Ohe e ja tembukica a rong’iironga iinjengandunge niinjengadidiriko motshirongo tsh’Egipti, mefuta etirigane, no mombuga eemvo eemrongo ine.
37Ohe Moses ngu a rombuerere aana j’Israel: Karunga ote ke mu pendurira omuprofeti maamuasho ngashi ngaje, mu uveni!
38Ohe ngu a ri pegongaro mombuga puamue nomujengeli, ngoka a popire na he kombanda hondundu Sinai, a ri puamue nootate, ohe a peua eehapu domuenjo, e di tu rombuere.
39Ndere ootate kaa harere okuvurika ku he, okua je mu dina, jo taa pungurukire neemuenjo dauo ku Egipti,
40sho ja rombuerere Aaron ja tire: ‘Tu ningira iikarunga mbi taji tu tetekerere, oshoka Moses, ngoka e tu kuca mo motshirongo tsh’Egipti, katu tshiuo shoka a ninga.’
41Momasiku ngejaka okua j’iningir’ontana. Otshimenka shika oje tshi etere omagano, ja njanjukirua otshironga tshomake gauo.
42Ndere Karunga okua piramene ku jo, he te j’eca, ja karere uo eengundu dokejarero#7:42 Muuhineji uauo oja amberera uo omuedi neenjoci ngashi Karunga. ngashi tsha tshangua momambo gaaprofeti: ‘Ne omu’eterandje nani omagano giitserua nomagano omakuauo mombuga meemvo dija eemrongo ine, ngueje Israel?#7:42 Omagano gomatserero gaaisraeli mombuga, Karunga ine ga dimburura, ine ga tuumba nepandu, oshoka aaisraeli oja karera uo iikarunga jaapagani.
43Etsari rja Molok#7:43 Molok na Remfam ojo omadina giikarunga jaapagani jomecimbo ndika. omue ri kuca, h’onjoci ha karunga keni Remfam#7:43 Molok na Remfam ojo omadina giikarunga jaapagani jomecimbo ndika., iiherekera mbino, mu’ihongera ne mu ji garikane. Ndere ngaje andi mu kandurire ko handijaka ha Babilon.’
44Etsari rjeguaneno orja ri mombuga pootate. Otsho Karunga a hara, sho a rombuera Moses e ri tunge, ri fe otshoorerua shi a muenene.
45Ootate mba je ri tuumba, taa ja narjo, sho ja kuca puamue na Josue#7:45 Josue, ohe omuranduri gua Moses mokupangera aaisraeli. otshirongo tshaapagani, mba ja tidua mo ku Karunga kotshipara tshootate.#7:45 Otshirongo shika tshaapagani otsho Kanaan. Otsho tsha kara sigo okomasiku ga David.
46Ngu a monen’oshenda pu Karunga, he te mu indire epitiko rjokutungira Karunga ka Jakob ondjugo.
47Salomon okua ri e mu tungira ondjugo.
48Ndere ngu guokombandambanda ka kara meenguru di da tungua nomake, ngashi omprofeti a ti:
49‘Eguru orjo otshipangerapundi tshandje, ndere evi orjo otshirjatero tsheempadi dandje.#7:49 Okutja: Karunga oku apeshepeshe. Ne mua ara okutungirandje onguru hatshee, Muene ta ti, nenge eshara rjevururuko rjandje ori ri peni?
50Kari shi nani eke rjandje ndi rja thita atshishe shoka?’
51Janatshitjani ne, jafukurume ne keemuenjo no komakutsi#7:51 Okutja: Kamu nomutima gua rongekeka mu uve nenjanju eehapu da Karunga. Omua kukutike eemtima deni.. Arushe mu nondumbo n’Ombepo Ondjapuki,#7:51 Okutja: Otamu mueneke eui rja Karunga meemtima deni, ndi rja zi k’Ombepo Ondjapuki. Ngashi oosho otsho nane uo.
52Ore guomaaprofeti ina tidagurua koosho? Ojo ja dipaga mboka ja shunganeka ejo rj’Omujuki nguka,#7:52 Stefanus ota popi huno Jesus Kristus. ne jene mua ninga nena aagoueki naadipagi.
53Omua peua nekuaco rjomujengeli ompango#7:53 Omona gua Karunga oku’ire metestamente ekuru ng’omujengeli., ndere inamu hi guanica.”
54Pokuuva eehapu dika oja geja nokugejerera meemuenjo dauo, jo taje mu kotokere omeego.
55Ndere he okua ri a hud’Ombepo Ondjapuki, a rigamena keguru, he ta mono ehadimo rja Karunga, na Jesus a cikama korurjo rua Karunga.
56Oku’igida a ti: “Tara ngaje ondi uete eguru rj’eguruka, n’Omona guomuntu a cikama korurjo rua Karunga.”
57Nena oja ningi ombujo oneenene, taj’icitike komakutsi. Ndere jo ajeshe taje mu nukire tshanka.
58Oje mu tida mo motshirando, taje mu dipaga nomamanja. Eentari#7:58 Aantu mboka ojo aatamaneki naarundiri ja Stefanus, mba j’umba uo komukaro guaajuda omamanja gotango. oda tura eenguuo dauo keempadi domunjasha, edina rje Saulus.#7:58 Saulus ngu a ningi Paulus omuapostoli omunene gua Jesus Kristus.
59Otsho ja denga Stefanus nomamanja, manka he muene a garikana a ti: “Muene Jesus, tuumba omuenjo guandje.”
60Ta tseengoro, he t’igida muure a ti: “Muene ino ja jarurira ondjo ndji.” Hera e di ti, okua koca ngaa nduno. Ndere Saulus okua panda okudipagua kue.
Omission Heklesia Ekatolika, 1951. Namibian Catholic Bishops Conference.