Salmos 146
146
1¡Guliʼcuʼë yöl-laʼ ba Xanruʼ!
¡Liʼ, böʼ naca cazaʼ, guluʼë yöl-laʼ ba Xanruʼ!
2¡Cuʼa-nëʼ Xanaʼ yöl-laʼ ba tsanni ni zoaʼ nabanaʼ!
¡Gul-laʼ yöl-laʼ ba queëʼ Dios quiaʼ tsanni ni zoa böʼ naca cazaʼ!
3Bitiʼ uzxöni ládxiʼliʼ bönniʼ taʼnná bëʼë,
en calëga bönniʼ tati cazëʼ, bönniʼ bitiʼ caʼ gaca uluʼsölë́ʼ rëʼu.
4Rurúaj böʼ yuʼë nu bönniʼ, ateʼ ruhuöáquiëʼ yu.
Laʼ dza náʼasö riniti le rizáʼ ládxëʼë gunëʼ.
5Bicaʼ ba bönniʼ rácalenëʼ Dios queëʼ Jacob lëʼ,
bönniʼ naʼ runëʼ löza Xanruʼ Dios.
6Nunëʼ Xanruʼ Dios lúzxiba, en luyú ni,
encaʼ nísadoʼ, en yúguʼtë le nacuáʼ yuguʼ lataj naʼ.
Rúnticaʼsëʼ Lëʼ ca rnna didzaʼ bëʼë,
7en ruchiʼa rusörö́ëʼ nupa zoa nu rusacaʼ ziʼ léguequi.
Rugagu cazëʼ nupa taʼdún.
Rusanëʼ Xanruʼ Dios nupa nadzúngaca.
8Rusaljëʼ Xanruʼ Dios guiö́j lógaca nupa nácagaca lo chul-la.
Ruchisëʼ Xanruʼ Dios nupa nadzö́ʼögaca.
Nadxíʼinëʼ Xanruʼ Dios nupa nácagaca tsahuiʼ.
9Rapa chiʼë Xanruʼ Dios yuguʼ bönniʼ ziʼtuʼ.
Rácalenëʼ-biʼ yuguʼ biʼi uzëbi, encaʼ yuguʼ nigula uzëbi,
pero ruzaguëʼ xinö́zguequi nupa tuáʼ döʼ.
10Inná bë́ʼticaʼsëʼ Xanruʼ Dios.
Náquiëʼ Dios queë́liʼ, bönachi Sión.
¡Guliʼcuʼë yöl-laʼ ba Xanruʼ!
Právě zvoleno:
Salmos 146: zar
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
© 2009, Wycliffe Bible Translators, Inc. All rights reserved.