Eberewey batagaa 1
1
Irkoy na nga Izʼaroo ka šelaŋ ir se
1Cee boobo nda taka boobo, waati jinaa Irkoy šelaŋ ir baabey se annabey bande, 2amma zaarey din kaŋ ti zaari korawey, a šelaŋ ir se nda Izʼaroo kaŋ a nʼa kayandi a ma tee haya kul tubukaa. Nga mo nda a na aduɲɲawey tee. 3Izʼaroo din manʼti kala Irkoy daržaa nereyanoo, nga ti hayaa kaŋ ti Irkoy zaati. A ga haya kul dii nda nga šenni gaabantaa. Waatoo kaŋ a na adamizey henanandi ngi zunubey ra ka ben, a goro Koy Jerantaa kabe gumaa ga beene nongey ra.
Irkoy Izʼaroo bisa almalaykey
4 Izʼaroo bisa almalaykey sanda takaa kaŋ nda a duu maa kaŋ bisa ngi waney. 5Koyne mo almalaykey ra, may se Irkoy bay ka nee:
«Ay Izʼaroo ti ni,
agay ka ni hay hõ»#1.5 Zaburey 2.7.?
A mana bay ka nee mo:
«Agay, ay ga tee a se baaba,
nga, a ga tee ya ne izʼaru.»#1.5 Samiyel 2to 7.14.?
6Amma waati kaŋ a ga nga Izʼaru jinaa sanba aduɲɲa ra koyne#1.6 Amma waati kaŋ a ga nga Izʼaru jinaa sanba aduɲɲa ra koyne, Grek šenni ra, almaganaa faa ti Amma waati kaŋ a ga kaa ka nga Izʼaru jinaa sanba aduɲɲa ra koyne., a ga nee:
«Irkoy almalaykey kul ma sujudu a se.»#1.6 Alhukumoo 32.43; Zaburey 97.7.
7Almalaykey here a nee:
«A ga hewoo tee nga dontokey,
a ga nuune deenewey tee nga goykey.»#1.7 Zaburey 104.4.
8Amma Izʼaroo here a nee:
«Ya Irkoy, ni kokoy gorodogoo ga cindi abada hala abada,
ni kokoytaraa goboo manʼti kala šerretaray gobu.
9Šerretaray no ma kan ma ne, nʼga konna ifutu.
Woo se Irkoy, ni Koyoo na ni yon nda ɲaali jii,
ka baa ni ka bisa ni hangasiney.»#1.8–9 Zaburey 45.7–8.
10Irkoy nee koyne:
«Ni ir Koyoo ka laboo daaru za šintinoo ga,
beenaa manʼti kala ni kabe teegoyoo.
11Ngi, i ga kaa ka dere, amma ni, nʼga cindi.
I kul ga žen sanda bankaaray.
12Nʼgʼi taabu sanda darbay.
I ga barmayandi sanda bankaaray.
Amma ni, nʼga cindi taka follokaa ga,
ni jiirey si ben.»#1.10–12 Zaburey 102.26–28.
13Almalaykey ra, may se Irkoy bay ka nee:
«Goro ay kabe gumaa here,
hala waati kaŋ ra ay na ni iberey tee ni cee-jisidogoo»#1.13 Zaburey 110.1.?
14Almalaykey, manʼti hundiyaŋ no kaŋ ga goy Irkoy se wala? Manʼti i nka sanbandi hala i ma goy borey se kaŋ na hallasiyan tubu wala?
Právě zvoleno:
Eberewey batagaa 1: ses
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
© BFP Velberter Mission and Wycliffe Bible Translators, Inc.