Timote bataga 1na 2
2
Hoyrayyan Irkoy ŋaarayyan se
1Adiši, ay hoyray jinaa manʼti kala borey ma hanse ka Irkoy biɲɲay, i ma Irkoy ŋaaray, i ma Irkoy ŋaaray cere se, i ma albarka daŋ Irkoy se adamizey kul se, 2nda kokoyey se, nda boŋkoyney se, hala ir ma huna alaafiya nda lakkalkanay ra, ka dira Irkoy ganayan nda taka henna ra. 3Woo ti haya kaŋ ga boori, a ga kan Irkoy ir Hallasikaa se 4kaŋ ga baa borey kul ma hallasi, i ma cimoo bay,
5zama Irkoy, nga folloku no,
waafakandikaa kaŋ goo Irkoy nda adamizey game mo, nga folloku no,
aroo no kaŋ se i ga nee Almasihu Isa
6kaŋ na nga boŋ noo ka adamizey kul zunubey alhakoo bana kʼi hallasi.
Seedetaraa woo teendi alwaatoo kaŋ kayandi ra.
7Nga se ay tee waazukaw, nda diyaw, nda cawandikaw dumey kaŋ manʼti Alyahuudu se naanaa nda cimoo ra. Cimoo no ay gʼa har, ay si taari.
8Adiši ay ga baa arey ma Irkoy ŋaaray nongu kul ra ka ngi kabe henanantey jer bila futay bila kakaw.
9Takaa din da, ay ga baa woyey ma bankaaray daŋ kaŋ ga hima, suturayan nda boŋ-yeeti-gandayan ra. I masi tur šenda tee, i masi wura wala alyakuutu hay šenda ka taalam. I masi darbay hay šenda daŋ. 10I ma taalam nda teegoy henna kaŋ ga hima woyey se kaŋ kayandi ngi ma hunbur Irkoy.
11Woy ma dangay i mʼa cawandi, a ma nga boŋ yeeti ganda. 12Ay si woy noo fondo a ma cawandi wala a ma hini fur aru boŋ. A mma hima ka tee boro dangayante, 13zama Adama ka jin ka hansandi, nga banda ga, Haawa. 14Manʼti Adama ka dargandi, woyoo ka dargandi, a kaŋ hooyan ra. 15Amma woo kul ra, woyoo ga hallasi nga hayyanoo maaganda se nda a gaabandi naanaa, nda baji, nda henanyan ga boŋ-yeeti-gandayan ra.
Právě zvoleno:
Timote bataga 1na 2: ses
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
© BFP Velberter Mission and Wycliffe Bible Translators, Inc.