Hosea 2
2
1Kina pu na, ni li yin ninaabitiib Israel yaab ke, “Uwumbɔr Aanib,” ki ki yin bi ke, “Uwumbɔr aah gee bi na.”
Gomer ni Israel yaab aah kaa dii mbamɔm pu na
2Maabim, nina aa ki ye mpuu, le u mu aachal aa ki ye mi, tɔ, ni mu tee gaŋ u man. Gaŋ u ke u di cha kidagook. 3U yaa kaa di cha kan, m ga gbabr u ki cha u uŋmeen ke baah nan ma u nwiin mundaal na. M ga ŋa u nkuun ke kitiŋ ki kaa kpa tijikaar na, le ki cha nnyunyuu ku u. 4-5Maan san waabim kinimbaak; bi ye upiidagoor u kaa san inimɔɔn na aabim la. Uma ubaa le len ke, “M ga buen mbɔtiib chee la, bi tii mi tijikaar ni nnyun, ki tii mi ŋikeken, ni olif aakpan, ni ndaan.”
6Kina pu na, m ga di ikokon le gob u ki maa ligoln kiir waasan. 7U ga li san paa ubɔtiib pu, le kaan pii bi. U ga ban bi, kaan kan bi, le ki bui ke, “M ga gir nchakpok chee la, nima chee nan soor ni maah gur bi pu na.”
8Waan kii daalbaadaal ke ni ye mi le tii u tijikaar, ni ndaan, ni olif aakpan, ni tikunabr, ni salmaa u mɔmɔk u joo dooni liwaal Baal na. 9Kina pu na, lijikaacheel yoonn kan, m ga gaa maajikaar ni ndaan, ki gaa ŋikeken ŋi m tii u ke u li joo gbae na. 10M ga gbabr u ki cha u uŋmeen ubɔtiib aanimbil ni, le ubaa aan ŋmaa nyan u maapɔɔn ni. 11M ga kuln waajim mɔmɔk; m ga kuln libiln libiln, ni uŋmal uŋmal, ni likpaakool daal aajim, ni njim mu u siin na mɔmɔk. 12M ga bii ndaan aasubil aasui ni ŋisubil ŋiken aasui, i u bui ke waah tun tii ubɔtiib pu na le bi tii u na. M ga cha waadaan aasubil aasui ni ŋisubil ŋiken aasui na kpaln kichook, ipeel le ga bii ni mɔmɔk. 13N‑yoonn mu mɔmɔk u nan sulni mbɔr ki seer tulalee aayon tii liwaal Baal ki peeni nleenyaan ki san dii ubɔtiib na pu le m ga daa utafal. Uwumbɔr le len kina.
Uwumbɔr aah gee waanib pu na
14Kina pu na, m ga ki giin u buen nteersakpiin ni, nima chee le m ga ti ki di tibɔmbɔr gaa u. 15M ga ki di waah nan kpa ndaan aasubil aasar ti na tii u, ki cha kifataŋ ki bi yin ki ke Tibɔbir aafataŋ na kpaln limakl aabisamɔb. Waah nan laa ye usapɔɔn, ki nyan ni Ijipt aatiŋ ni ki keei mi pu na, kina le u ga ki kii mi, 16le ki ga ki yin mi ke uchal, waan ki yin mi waaninkpel ke waah yin liwaal Baal pu na. 17Maan ki cha u yin liwaal Baal aayimbil kpala.
18N‑yoonn ngbaan le m ni ipeel, ni inyoon i bir na ga puu tipuukpaan tii tɔb, le ni taa ŋa maanib nibaa. M ga ki nyan butɔb aajawan mɔmɔk ni ye kijaak aajum na, ni itɔi na kitiŋ ngbaan ni, ki cha maanib li bi nsuudoon, ni lifuur ni.
19Israel, m ga di si ŋa mpuu,
maan nya aapuwɔb, ki ga li bi mbamɔm aa chee;
m ga mɔk si ngeehm mu bi n‑yoonn mɔmɔk na, ni kinimbaak,
ki cha aa li ye min yoo ki ti saa
n‑yoonn mu kaa kpa ndoon na.
20M ga li joo maah puu tipuur ti na ki cha aa li ye min yoo,
ki cha aa bee ke min le ye Uwumbɔr.
21-22N‑yoonn ngbaan le m ga kii maanib Israel yaab aameel.
M ga cha utaal nu kitiŋ pu,
le kitiŋ ga ŋa tijikaar, ni ŋisubil ni olif aasui.
23M ga maa maanib kaan kitiŋ ngbaan pu ki tii bi liwangol.
M ga mɔk baah nan yin bi ke “Maa‑neen” bi na ngeehm,
ki ga bui baah yin bi ke “Baa‑ye‑maanib” na ke “Bi‑ye‑maanib” la,
le bi ga kii ke, “Aa ye timi Aawumbɔr la.”#2.23: Lik Rom Yaab 9.25; 1 Piita 2.10.
Právě zvoleno:
Hosea 2: xonB
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
©1998, 2014 Wycliffe Bible Translators, Inc. All rights reserved.