Hosea 14
14
Hosea aah gaŋ Israel yaab pu pu na
1Nimi Israel aanib, gir ni Nidindaan Uwumbɔr chee. Nimi aatunwanbir le cha ni gbeer ki lir. 2Gir ni Uwumbɔr chee, ki cha limeel limina li ye ipiin i ni joo tii u na: “Di timi aatunwanbir mɔmɔk cha pinn timi, ki gaa timi aameel, le ti ga li pak si ke taah puu ke ti ga ŋa pu na. 3Asiria yaab aan ŋmaa gaa timi lii, le butɔb aataan mu aan ŋmaa ter timi. Taan ki bui timi aawaa ke ŋima le ye timi Aawumbɔr. Uwumbɔr, aa san binib bi kaa kpa nterm na kinimbaak.”
Uwumbɔr aah puu limɔfapɔln li tii Israel yaab na
4Uwumbɔr bui ke,
“M ga giin ni maanib mbaa chee.
M ga li gee bi ni nsui mɔmɔk;
maaŋuul aan ki fii bi pu.
5M ga li bi Israel aanib chee
ke utaal aah bi pu kitiŋ ki kuun na chee pu na la.
Bi ga pɔnn ke nsupuun na la;
bi ga chɔbaan ke Lebanonn aatiŋ aasui na la.
6Baanachipɔm ga li kpa limɔfal,
ki li ŋan ke olif aakpan aasui na.
Bi ga li kpa mbaan ke Lebanonn aasantina aasui na la.
7Bi ga ki li gur bi maajoom ni la.
Bi ga kpenn ke kisaak na, ki ga lu ŋisubil ke ndaan aasui na.
Bi ga li kpa liyimbil ke Lebanonn aasubil aadaan na.
8Israel aanib aatafal aan ki li bi ŋiwaa ni;
m ga kii baameel ki li joo bi.
M ga li kii bi ke busub bu aafar aa gbaar na la;
min le ye nin chee baanyoor mɔmɔk ga nya ni na.”
Kookoo aabɔr
9Cha binib bi kpa nlan na bee tibɔr ti ŋmee do na aatataa, ki di ti ŋa bisui ni. Uwumbɔr aasan le ŋan, le binib bi aabimbin ŋan na dii ima le ki kpa limɔfal, le titunwanbirdam ma aatafal aa bi i ni, le ki gbeer ki lir.
Právě zvoleno:
Hosea 14: xonB
Zvýraznění
Kopírovat
Porovnat
Sdílet
Chceš mít své zvýrazněné verše uložené na všech zařízeních? Zaregistruj se nebo se přihlas
©1998, 2014 Wycliffe Bible Translators, Inc. All rights reserved.