Oblíbené biblické verše z Apocalipsis 22

Sdílet

Ya̱ naca̱ A, nunu naca̱ zeta. Nunu naca̱ biñ nu nil zu nese nu loga. Nunu naca̱ biñ nu nil zu ornu gyaꞌ loñ. Nunu naca̱ biñ nu bzuub gyiꞌñ. Nunu naca̱ biñ nu zaꞌ loñ ―na Jesuuz.

Gazeꞌ nu na Jesuuz: ―¡Ya̱ yap gyiilya̱! Nunu yap du̱ i de mbecy. Orzeꞌ gyabica̱ ñii ni de mbecy dub gal nu na coz nu bicy dey.

Orzeꞌ Espiriit Yon ni Ñgyoozh gal nu nob ni biñ nu nac Shily mnii dey. Orzeꞌ na dey: ―¡Da! ―na dey. Orzeꞌ de mbecy nu bzuub gyidag riidz zeꞌ rnii gaꞌ dey: ―¡Da! ―rnii dey. Orzeꞌ ca na de mbecy nu rbigy nis, benu rlagy yu, gac cyid yu goꞌy nis nu rbic gyel mbañ. Nunu leew la gad ñi.

Dzi ni de mbecy, benu racaacy yu shab yu, gun orzeꞌ ricy cup dey rishbeey nu gow yu uugy ni yag nu rbic gyel mbañ. Nunu ricy cupaꞌ dey rishbeey nu chuꞌy roꞌ ni gyedz zeꞌ.

’Orzeꞌ na Jesuuz: “¡Ya̱ yap gyiilya̱! ¡Dzi ni de mbecy, yu nu gyicy yac ni de riidz nu bi ca lo gyicy ii!” nam ―na anc zeꞌ.

Nunu lugaar zeꞌ sacaꞌ rel. Nunu de mbecy nu yuꞌ zeꞌ walagyaꞌñ gyi ni candiil ni dey. Ni walagyaꞌñ ba ni dey. Gun Ñgyoozh Shuaan den rbic mi yaa lat dey. Nunu de mbecy zeꞌ gyub ic dey tub la.

Orzeꞌ biñ nu mnii dela coz zeꞌ nam: ―Laab ni. ¡Ya̱ bi yap gyiilya̱! ―nam. Laab ni gac ñii. ¡Shuaan na Jesuuz, da! Orzeꞌ Shuaan den Jesuuz nap gyicy num dela de mbecy nim.

Orzeꞌ ya̱, Waa, do̱o̱ rishlo dela mbecy nu zuub gyidag de riidz ni Ñgyoozh nu bi ca lo gyicy ii. Benu ca na mbecy gzuub yu riidz lo de riidz nu bi ca lo gyicy ii, orzeꞌ niꞌ ziꞌl Ñgyoozh cuic mi cashtig nu bi ca lo gyicy ii ni dey. Nunu benu ca na mbecy shet naañ yu riidz ni Ñgyoozh nu bi ca lo gyicy ii, orzeꞌ Ñgyoozh com uugy nu dugyiy ni yag nu rbic gyel mbañ, nunu co gaꞌm yaay lugaar zeꞌ nu dugyiy lat gyedz nim. De coz zeꞌ bi cañ lo gyicy ii.