Oblíbené biblické verše z 2 Corintios 4

Sdílet

Pero non era machix tua' caturb'a cab'a tamar lo que erer cawira tara tor e rum, porque tunor lo que ayan tara tor e rum war o'c'oy y war ac'apa. Y tamar era uc'ani tua' caturb'a cab'a más tamar lo que ayan tichan tut e q'uin xe' machi uyub'ion cawira ut, porque lo que ayan tichan tut e q'uin machi tua' ac'apa y machi tua' asatpa.

Entonces motor que war canumse cab'a meyra cocha era, pero machi war cawacta o'choy e c'oyir tama cawalma. Y motor que war ac'apa axin cacuerpo umen que war anumuy meyra año tama cajor, pero tunor cawalma war aq'uec'ojsena iraj iraj umen Cadiosir. Pues coner ayan lo que war canumse cab'a cora tamar cacuxtar tara tor e rum, pero c'ani ac'apa tunor era wacchetaca. Pero tama tunor era ayan lo que axin cach'ami conda cac'otoy tichan tut e q'uin xe' jax inte' nuxi tawarer xe' machi tua' ac'apa xe' tua' cajc'una umen e Dios.

Y motor que ayan meyra lo que war canumse cab'a iraj iraj, pero ayan ixto cocha tua' caloc'oy tamar. Y motor que ayan lo que war cab'ijnu meyra tamar, pero ma tia' war cachoqui cac'upesiaj. Y motor que ayan tin e war aq'uijna uwiron xe' war axin ticapat, pero non war canata que majax choquemon inyajrer. Y motor que ayan tin e axin ucucron tut e rum, pero machi uyub'i usation.

Pues galan tunor uyojroner e Dios tama e corpesiaj, y b'an ajc'unon umen e Dios tua' aquetpa tama cawalma xe' b'an cocha inte' b'ejt xe' chemb'ir tama e tz'ijc rum. Pues e b'ejt era matuc'a uc'ampib'ir pero lo que ayan macuir atujri meyra. Y b'an uche e Dios tua' aquetpa chequer que tunor e nuxi c'otorer era tari tua' e Dios y que majax ticab'ach.

Y e Satanás xe' jax udiosir e gente tara tor e rum war umaqui ujorob' tin e machi war ac'upseyanob' tama Cawinquirar. Y b'an war uche tua' uquete uwab'u e gente era tua' machi aquetpa chequer tutob' tunor utawarer e ojroner tama e Cristo xe' war ejpray axin. Y e Cristo era jax uwirnar ut Catata Dios.

Pues tama ucajyesnib'ir tunor lo que ayan cay ojron Cadiosir y che que tama e incsib'aner tua' aloc'oy e janch'aquenar, y jax Cadiosir era ub'an xe' cay uche ejpray ujanch'aquenar esto macuir tunor cawalma tua' uyub'ion cac'otoy canata tuc'a tunor utawarer Cadiosir lo que cay ejpray loc'oy tamar ut e Cristo.