Oblíbené biblické verše z Lomɛ́ŋ 8

Tuémenyen ɛ́ɛ́, puandá kitikit púmɛ́nyipíɛ́lɛ́, ɔ́ɔ́kɔtɔ é peseé ó pusíó pú péépé pɔ́ɔ́yɔnɛ́ Támbákɛ́ɛ, pányɛ papílán aná nuketi núɛ́yɛ́ ɔ́ɔ́yɔɔnɛ́ɛ

Ɛ́ɛ́ɛ́ sá sá sá yeémenyén ɛ́ɛ́: Tɛ́ nikú, tɛ kusɔ́t, tɛ pe Éŋele, tɛ kipia, tɛ kipíányina, tɛ á kí ninúan, tɛ kíólonée, tɛ pukaaka pú mɛnɛ́mɛnɛ́ɛ, tɛ pú eŋulúm, tɛ kiluŋaluŋa kilotí, tíányitúátɔ́n nɔ niɔy ení Támbák mɔɔ́túɔ́yɛ́t é Yésus Kilíis Ɔkɔ́n waasɔ́.

Piluŋ pímoómí, Emfúnukufúúmɛ kɛ́kɛ́ɛ́yɛ́ ɔ́ɔ́tuɔ́yikɔnɛn káásɔ́ á punɔ́ɔ́n, á kiákí ɛ́ɛ́ tutipá tumenyen kupísókoliti aná kuɛ́sikɛnɛnɛ́ɛ. Maná Emfúnukufúúmɛ óópísókolonyi káásɔ́ ó pusíó nɛ ɛmbíyɛ́kɛ́l mɔɔnd tiányípá ukuémi.

Tuɔ́yɛt ɛ́ɛ́ kiákí andíkɛ́k? Índɛ Támbák nyɛ káásɔ́ á kiáyí, ɛ́nyɛ́ unyɛɛ́ ukutúnuenesi?

Nínúan epé pɛ́nyɛɛ́ papílán é Yésus Kilíis tipá pá kuánd apá pɛpɛnɛ́n.

Pitɔ́ndɔ pí nuɔ́l eyuukesi é niku maná epú Emfúnukufúúmɛ ɔ́ɔ́yɔɔnɛ́ɛ éyuukesi ɔ́ kusɔ́t ne kiyeéwe.

Maná á máamakáánɛ́ kitikit, tuápíányinan ká akaminɛ ewú umɔɔ́tuɔ́yɛ́t.

Káámɛ, muyú múásɔ́ mú nínúan tipá ni iŋetí, ne nukúm nú Támbák enú weényítútíínyenyée.

Kiákí kínyɛɛ́ kutuátɔn ɔ́ niɔy ení Kilíis pianɛ́ káásɔ́ ó pusíó? Muyú éé? Indúmtén éé? Insésítényi éé? Insana éé, Ɔsɔ́k éé, Kilɔk éé, Nikú éé.

Támbákɛ́ɛ kɔk wɛɛ́nɛnɛ́ itɛ́m siásɔ́ émenyen epú Emfúnukufúúmɛ áámbanɛ́ kuɔŋɛn, á kiákí ɛ́ɛ́ Emfúnukufúúmɛ óópísókolonyi aná Támbák ɔ́ɔ́yɔɔnɛ́ɛ é péépé pɔ́ɔ́pinɔnɛ́ɛ wɔ.

Epé kitikit kiliínditíe kí támbák endesíé pɔ nyɛ paán pá Támbák.

Kɔk epé pɔ́ɔ́pinɔnɛ́ɛ kípia kí imekú, imekú ɔ́sɔ́tɔn ɔ́ pilɔ́ɔ́ŋɛ́t pí imekú, maná epé pɔ́ɔ́pinɔnɛ́ɛ Emfúnukufúúmɛ ɔ́sɔ́tɔn aná Emfúnukufúúmɛ ɔ́ɔ́yɔɔnɛ́ɛ.

Wɔ́ ewú umɛɛ́l utikányí ɛ́ɛ́ muɔ́nɔ́ wɛɛyɛ́ ɛ́ɛ́n muyu, wɛɛsɛm wɔ́ káásɔ́ ó pusíó. Tiɛkiɛ́ unyɛɛ́ pɛ́kuɛ́nyɛ́ɛl ɔlɔŋ nɔ muɔ́nɔ́ wɛɛyɛ́ utitúfá puandá kitikit?

Enfúnukufúúmɛ ú Támbák ɔ́ɔ́kɔɔyɔn kiliíndtié kíásɔ́ ɛ́ɛ́ túɛ́yɛ́ paán pá Támbák. Tunyɛ paán pá Támbák: tuátáŋapa kákásɔ́ maandá maatámb, emé Támbák maákɛ́n nikúli níɛ́yɛ́ indan. Tuányítáŋap niap ɔlɔŋ ne Kilíis, á kiákí ɛ́ɛ́ índɛ tuɔ́kɔ́pikɔn ɔlɔŋ nɛɛyɛ́, tuányipá nɛɛyɛ́ kɛ́ɛ́yɛ́ é nukúm nɛkɛtɛ́ɛ.

Á kiákí ɛ́ɛ́ epé pilɔ́ɔ́ŋɛ́t píɔ́pɔ́ pí imekú píányinanɛ́ pɔ́ nyɛ pokóyikoy pá Támbák, pátipá pɔ́ɔ́pinɔn kikotí kí Támbák, á kiákí ɛ́ɛ́ pátipá na pukaaka pú kuɔ́pɛn ó kikotí kí Támbák.

Á kiákí ɛ́ɛ́ maandá kitikit Támbák maáluŋá éépétenyi ni itɛ́m kundukund, puɔ́s epú Támbák éényítíínyenyée nukúm nú paán pɛ́ɛ́yɛ́.

Tuémenyen peseé ké peseée ɛ́ɛ́: kuasiám ninúan piluŋaluŋa kitikit áákíma nɛ kutɛ́ɛ́ ɛlɛɛ́ akáandɔ́ upéétenyé nupíén.