Oblíbené biblické verše z Markusu 13

Sdílet

Ba sanga ndzi ata siya ngǝla tǝ gǝri ata nyarna, ama ndǝ nam tara ɓati ka la dǝnta dzǝ ata ɓui mbatǝdzi.

Vǝdzǝmɛ hankal, ndzai ɗǝmhǝɗǝmhǝi! Akuya gǝri ta zǝndi vǝr tǝ saka ata si wɛ.

Sakatǝ ndǝ ngǝti tǝ gǝri ka mwari aka gǝri akǝma haka, ta gǝri ta damitsǝnidzi kǝma ta sǝ tǝ gǝri awa gha. Ɗiɗi ghamɛ sǝ nam tǝ ndǝ la gǝri ata saka nda. Akuya adi gǝr dza ani ada ndǝr wɛ, ama Mambǝl Kartǝ.

Atahyal aka dai ata kwatsǝni, ama labarǝrna adi ata saga kwatsǝni wɛ.

“Ndɛ adai nam tara zǝndi sǝ ata kǝra vǝri wala saka ni wɛ, wala ndzǝr hyantǝr Hyal nam atahyal, wala Zǝr, ama ɗiɗi Tada ni.

Sakatǝ gǝri ngati mpa kaka kǝriku, ta hankalǝr gǝri ta hyati mai. Əni yarni si madar 'ya ama sakar kurǝr zaman ta 'ya wɛ.

“Kadǝbar ǝni ka gǝri wulɛ kadǝbar gǝri ta zǝndi sakatǝ thlakǝr kyi ata si wɛ, ma apǝri ata mǝzi ndzai tǝhaku, wala rakǝndi wala tuwar vukum, wala sǝtǝr tsǝtsi. Ma apǝri dzǝ si kura ka yakǝn, ta dzǝ ta ɓui tǝngɛ ata hanyi. Sǝ nam tǝ Yi tara nkǝrɛ ala gǝri, ani, Yi nkǝrɛ ala ndzi sang, ‘Ka gǝr wulɛ!’ ”

Di ata ɗǝkǝr ata kǝra di, ba kuhyikur ata kǝra kuhyikur. Ndǝ ata 'ya kǝngǝrǝr dai yarɛ akwa vui yarɛ pam-pam, ba mi yarɛ. Əni yarni ani baditsǝniyir kal yarɛ nǝr thlǝ munar ya.

Akuya ndɛ ata 'ya ndǝrǝr Hyal nam sǝɗa kǝma ala sanga dunya.

Ndzǝ hang ata si akwa thlǝmawai, ka dar nkǝrɛ, ‘Yi ani dza,’ dar ata zǝlanta ndzi hang.

“Ama ka gǝri vǝdzǝ hankal ala kǝr gǝri, kadǝbar dar ata la tǝ gǝri ala bǝlama yarɛ ka dar dlaɓwɛ tǝ gǝri akwa fǝr vǝkǝr sǝlai ala Hyal, gǝri ata hyati akǝma Gumna yarɛ, kaka kuhyi yarɛ, kadǝbar gǝr ndzǝr nu tǝra, ka nkǝrɛ ala dar ndǝrǝr Hyal nam sǝɗa.

Akuya ndzǝr hawiyir Kǝrsti yarɛ ba nabiyir hawi yarɛ ata sǝba ka tsan parsu yarɛ ba 'ya sǝr ndati yarɛ nam ata zǝlanta ndzǝ nam tǝ Hyal tsarba—ma apǝri ǝndari awa 'ya.

“Ama akwa vǝr yarɛ ǝnda, aghǝla bwanai yarni, “ ‘tsǝtsi ni ata siya 'ya kuthlɛ pǝlǝk, ba hya ni adi ata mbǝli kǝra wɛ; tsambiya yarɛ ni nam ati ata pughǝldzi, ba dǝna yarɛ ni nam atahyal ata siya kǝngǝrtǝdzi.’