Oblíbené biblické verše z ROM 12

Leitung mihingte’ gamtat bangin gamta kei unla, na lungsim uh kikheelin Pasian kipuahphasak un. Tua hileh a hoih nate bang hi a, bangte in amah lungkimsakin, bangte a kicing hiam ci-in thei-in Pasian’ deihna na phawk thei ding uh hi.

Tua ahih ciangin sanggamte aw, Pasian in eite tam veipi tak hong hehpih ahih manin ama lungkim nading le ama nasep nadingin nomau mahmah a hingtangin Pasian tungah na kipiak nadingun ka hong thum hi. Tua banga kipiakna pen Pasian biakna man taktak ahi hi.

Lamet na neihna hangun lungdamin om tawntung unla, lungkhamna na thuak uh ciangin lungduai-in thu na ngen tawntung un.

Tua ahih manin gitlohna kizosak kei unla, a pha gamtatna tawh gitlohnate a zo na hi ta un.

Unau ki-itna lungsim nei unla, khatlekhat kizahtak bawl ding lamsang kidem un.

Na ki-itnate uh lungsim takpi tawh hi sak unla, a siate mudahin a hoihte lenkip un.

Ahih theih laiteng mi khempeuh tawh na kilem nadingun hanciam un.

Lawmte aw, na hehna uh kuama tungah thukkik kei unla, Pasian’ thukkik dingin koih lel un. Bang hang hiam cih leh Lai Siangtho sungah, “Keimah in amaute tungah ka thuk ding a, midangte a gimsak bangun ka gimsak ding hi, Topa in ci hi,” ci-in kigelh hi.

Thadah kei unla, nakpitakin na sem un. Lawp mahmahna lungsim tawh Topa’ na sem un.

Pasian in kei tungah hehpihna hong piakkhongna hangin note tungah kong gennop thu in: Note tawh a kituakzah valin kilian ngaihsutzaw kha kei un. Pasian in note tungah upna hong piakzah tawh kizui-in kingaihsun bek zaw unla, a kilawm ciang khat bekin kingaihsun un.

Midangte’ gitlohnate thukkik kei unla, mi khempeuh in hoih hi, ci-in a ngaihsut ding bangin gamta un.

Mi deidan loin a kibangin en un. Kiphasak loin mineute tawh kikhawlthei unla, kipilsak se kei un.

Tua ahih ciangin Lai Siangtho sungah, “Na galte uh a gil a kial leh an na pia un. A dang a taak leh tui na pia un. Tua bangin na gamtat uhleh amaute’ maizum nadingin a bawl na hi uh hi,” ci-in a kigelh bangin gamtazaw un.

No a hong bawlsia mite, Pasian in thupha a piak nadingin thu ngetsak unla, tua bang mite samsia loin thupha piazaw un. A lungdam mite lungdampih unla, a dah mite dahpih un.

Na Khristian pihte uh a kisapna bangin na neihsate uh na hawm unla, zin le leengla do a siam mite na hita un.

I pumpi tungah zong na tampi i nei a, tua nate’ nasep a tuamtuam ahi hi. Tua mah bangin eite mi tampi ihih hangin pumkhat ihi a, pumpi nate bangin khatlekhat a kizom ciat ihi hi.