Oblíbené biblické verše z Romatɔwo 10

Ne èke nu ʋu eme gblɔ be Yesue nye Aƒetɔ la, eye nèxɔe se le wò dzime, be Mawu fɔe ɖe tsitre tso ame kukuwo dome la, woaxɔ wò ɖe agbe.

Elabe dzie ame tsɔna xɔna senae, eye wobunɛ be ele dzɔdzɔe, eye nue wòtsɔna ʋua emee eye woxɔnɛ ɖe agbe.

Ale amewo xɔna sena ne wose nya la, eye nu si wose la eyae nye gbeƒã si wova ɖe na wo le Kristo ŋu.

Mawunya gblɔ be: “Ame sia ame si xɔ edzi se la, maɖu ŋukpe akpɔ o.” Vovototo aɖeke mele Yudatɔ kple ame si menye Yudatɔ o la dome le go sia me o, elabe ame ɖeka ma ke koe nye wo katã ƒe Aƒetɔ, eye wònyoa dɔme faa na ame siwo katã yɔnɛ la. Mawunya gagblɔ be: “Ame sia ame si ayɔ Aƒetɔ la ƒe ŋkɔ la, woaxɔe ɖe agbe.”

Ale ke woaɖe gbeƒã lae, ne womedɔ gbeƒãɖelawo ɖo ɖa o? Woŋlɔ ɖe mawunya me be: “Ale gbegbe ame siwo tsɔ Nyanyui la vɛ la ƒe afɔwo nyakpɔ loo!”

Ke ale ke amewo lawɔ ayɔ ame si dzi womexɔ se o la? Ale ke amewo lawɔ axɔ ame si ŋkɔ womese kpɔ o la dzi ase? Ale ke woawɔ ase eŋkɔ, ne womeɖe gbeƒãe na wo o?

Elabe Kristo ye va xɔ ŋusẽ le se la si, bene ame sia ame si xɔ se ko la, woabui ame dzɔdzɔe.