Oblíbené biblické verše z မၢတ်ႈထႄႇ 16

မိူဝ်ႈ​ၼၼ်ႉ ယေႇသူႉ ​ၵေႃႈ လၢတ်ႈ​တီႈ​တပႄး​ၸဝ်ႈ​တင်း​လၢႆ​လႄႈ​ဝႃႈ၊ ပေႃး​သေ​ၵေႃႉ​သေ​ၵူၼ်း မီး​ဢလူဝ်ႇ​ၶႂ်ႈ​ၸပ်း​မႃး​ပႃႈ​လင်​ၵဝ်​ၸိုင်၊ ႁႂ်ႈ​မၼ်း​ပႄႇ​ပႅတ်ႈ​တူဝ်​ၸဝ်ႈ​ၵဝ်ႇ​သေ​လႄႈ ႁၢပ်ႇ​ဢဝ်​သဝ်​လၵ်း​ဝႃး​ၵၢပ်ႈ တူဝ်​ၸဝ်ႈ​ၵဝ်ႇ​ၸွမ်း​ပႃႈ​လင်​ၵဝ်​တႃႉ။

ၵဝ်​သမ်ႉ​ဝႃႈ​တီႈ​မႂ်း​ထႅင်ႈ​ၸမ်ႉ၊ မႂ်း​ပဵၼ်​ ပေႇတရူႉ ​ဢေႃႈ။ ၵႃႈ​ၼိူဝ်​မၢၵ်ႇ​ႁိၼ်​ၼႆႉ ၵဝ်​တၵ်း​ႁႂ်ႈ​ၸိူဝ်း​ၸဝ်ႈ​တႄႇ​ပဵၼ်​ဢေႃႈ။ ၸိူဝ်း​ၸဝ်ႈ​ၼၼ်ႉ​ၸိုင်၊ ၽၵ်း​တူ​မိူင်း​မရၼႃႉ​တင်း​လၢႆ ဢမ်ႇ​ပႄႉ​ဢမ်ႇ​ၼႅင်ႇ​လႆႈ။

သေႃး​မိူင်း​ၵၢင်​ႁၢဝ်​တင်း​လၢႆ​ၵေႃႈ ၵဝ်​တၵ်း​ပၼ်​တီႈ​မႂ်း​ဢေႃႈ။ ၵႃႈ​ဢၼ်​မႂ်း​မတ်ႉ​ၽုၵ်ႇ​ဝႆႉ​ၵႃႈ​ၼိူဝ်​လိၼ်​မိူင်း​ၼႆႉ​ၼၼ်ႉ၊ တၵ်း​မတ်ႉ​ၽုၵ်ႇ​ဝႆႉ​ယူႇ​ၵႃႈ​ၼိူဝ်​မိူင်း​ၵၢင်​ႁၢဝ်​ပုၼ်ႉ​ဢေႃႈ။ ၵႃႈ​ဢၼ်​မႂ်း​ပွႆႇ​လွတ်ႈ​ၵႃႈ​ၼိူဝ်​လိၼ်​မိူင်း​ၼႆႉ​ၼၼ်ႉ၊ တၵ်း​ပွႆႇ​လွတ်ႈ​ယူႇ​ၵႃႈ​ၼိူဝ်​မိူင်း​ၵၢင်​ႁၢဝ်​ပုၼ်ႉ​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊

လွင်ႈ​မၼ်း​ၸမ်ႉ ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​မီး​ဢလူဝ်ႇ​ၶႂ်ႈ​ၵႄႇ​သႄႇ​ဢဝ်​ဢသၢၵ်ႈ​တူဝ်​ၸဝ်ႈ​ၵဝ်ႇ​ၼၼ်ႉ၊ ၵေႃႉ​ၼၼ်ႉ​တၵ်း​သုမ်း​ဢသၢၵ်ႈ​ဢေႃႈ။ ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​သုမ်း​ဢသၢၵ်ႈ​ၵွပ်ႈ​ပိူဝ်ႈ​ၵဝ်​ၼၼ်ႉ၊ ၵေႃႉ​ၼၼ်ႉ​တၵ်း​ထူပ်း​ဢသၢၵ်ႈ​တူဝ်​ၸဝ်ႈ​ၵဝ်ႇ​ဢေႃႈ။

ၵူၼ်း​သေ​ၵေႃႉ​သေ​ၵူၼ်း ပေႃး​လႆႈ​ဢုပ်ႉ​ပိူင်ႇ​လေႃးၵႃႉ​ၼႆႉ​တင်း​သဵင်ႈ​တင်း​လူင်​လႄႈ ဝီႉၺိၺ်ႇ​တူဝ်​ၸဝ်ႈ​ၵဝ်ႇ​သုမ်း​ၸိုင် တၵ်း​မီး​ၵျေး​ၸူး​ၵႃႈ​သင်။ တၵ်း​ဢဝ်​တင်း​ဢုၵ်ႉ​ၸႃႇ ဢၼ်​လႂ်​ထုတ်ႇ​ဢဝ်​ၸႂ်​ဝီႉၺိၺ်ႇ​တူဝ်​ၸဝ်ႈ​ၵဝ်ႇ။

မၼ်း​ၸဝ်ႈ​သမ်ႉ​ထၢမ်​ထႅင်ႈ​လႄႈ​ဝႃႈ၊ သူ​ၸိုင် ဝႃႈ​ၵဝ်​ပဵၼ်​ၽူႈ​လႂ်၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊- သီႉမုၼ်ႇ​ပေႇတရူႉ ​ၵေႃႈ​ၶိုၼ်း​လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း​ပဵၼ်​ၸဝ်ႈ​ၶရိၸ်ႈ လုၵ်ႈ​ၽြႃး​ပဵၼ်​ၸဝ်ႈ ဢၼ်​ဢသၢၵ်ႈ​လိပ်း​ယူႇ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။

ယေႇသူႉ ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ သီႉမုၼ်ႇ​ပႃႇ​ယူဝ်းၼႃႉ ​ဢိူၺ်း၊ မႂ်း​မီး​မင်ႇၵလႃႇ​ဢေႃႈ။ လွင်ႈ​မၼ်း​ၸမ်ႉ ၼိူဝ်ႉ​လိူတ်ႈ​ၽုၺ်ႇ​ၼႄ​လွင်ႈ​တၢင်း​ၼႆႉ​ဢမ်ႇ​ၸႂ်ႈ၊ ပေႃႈ​ၵဝ်​ဢၼ်​မီး​ယူႇ​ၵႃႈ​ၼိူဝ်​မိူင်း​ၵၢင်​ႁၢဝ်​ၼၼ်ႉ ၽုၺ်ႇ​ၼႄ​ဢေႃႈ။