Oblíbené biblické verše z မၢတ်ႈထႄႇ 10

ၵဝ်​ပွႆႇ​ၸႂ်ႉ​သူ​ၵႂႃႇ​ၸိူဝ်ႉ​ၼင်ႇ​ဢၼ် ပွႆႇ​ၸႂ်ႉ​သူဝ်း​ၵႂႃႇ​ၵႃႈ​ၼႂ်း​ၽုင်​မႃ​ထိူၼ်ႇ​ၼၼ်ႉ​ဢေႃႈ။ ပိူဝ်ႈ​ၼႆ​လႄႈ သူ​မီး​တၢင်း​ဢၼ် လၵ်း​လႅမ်​ၸိူဝ်ႉ​ၼင်ႇ​ငူး​တႃႉ။ မီး​တၢင်း​ဢၼ် ၸႂ်​မူတ်း​သႂ် ၸိူဝ်ႉ​ၼင်ႇ​ၼူၵ်ႉ​တူႈ​တႃႉ။

ၵေႃႉ​ဢၼ်​ထူပ်း​ဢသၢၵ်ႈ​တူဝ်​ၸဝ်ႈ​ၵဝ်ႇ​ၼၼ်ႉ တၵ်း​ၶၢမ်ႇ​တၢင်း​ဢၼ် ဢသၢၵ်ႈ​သုမ်း​ဢေႃႈ။ ၵေႃႉ​ဢၼ်​ၶၢမ်ႇ​တၢင်း​ဢၼ် ဢသၢၵ်ႈ​တူဝ်​ၸဝ်ႈ​ၵဝ်ႇ​သုမ်း​ၵွပ်ႈ​ပိူဝ်ႈ​ၵဝ်​ၼၼ်ႉ​ၸမ်ႉ၊ တၵ်း​ထူပ်း​ဢသၢၵ်ႈ​ဢေႃႈ။

ပိူင်​ၼိုင်ႈ​ၸမ်ႉ၊ ၶဝ်​ၸိူဝ်း​ဢၼ်​ဢဝ်​တူဝ်​ၶၼ်ႇ​ထႃႇ​တၢႆ​ၵူၺ်း​လႄႈ ဢမ်ႇ​ဢဝ်​ၸႂ်​ဝီႉၺိၺ်ႇ​တၢႆ​လႆႈ​ၼၼ်ႉ​ၸိုင် ယႃႇ​ပေ​ၵူဝ်။ ၵူဝ်​ၵေႃႉ​ဢၼ် ယႃႉ​ပႅတ်ႈ​ၸႂ်​ဝီႉၺိၺ်ႇ​တင်း​တူဝ်​ၶၼ်ႇ​ထႃႇ ၵႃႈ​ၼႂ်း​ငရၢႆး​လႆႈ​ၼၼ်ႉ​တႃႉ။

ၵေႃႉ​ဢၼ်​ဢမ်ႇ​ႁၢပ်ႇ​ပႃး​ဢဝ် သဝ်​လၵ်း​ဝႃး​ၵၢပ်ႈ​တူဝ်​ၸဝ်ႈ​ၵဝ်ႇ​သေ​လႄႈ ၸွမ်း​ပႃႈ​လင်​ၵဝ်​ၼၼ်ႉ ဢမ်ႇ​ၵိုင်ႇ​ထိူၵ်ႈ​ၵၼ်​တင်း​ၵဝ်။

ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ႁပ်ႉ​တုင်း​ဢဝ် ၵဝ်​ၵႃႈ​တီႈ​ၽၢႆႇ​ၼႃႈ ၵူၼ်း​တင်း​လၢႆ​ၼၼ်ႉ၊ ၵေႃႉ​ၼၼ်ႉ​ၸိုင်​ၵဝ်​တၵ်း​ႁပ်ႉ​တုင်း​ဢဝ်​ၵႃႈ​တီႈ​ၽၢႆႇ​ၼႃႈ​ပေႃႈ​ၵဝ် ဢၼ်​မီး​ယူႇ​ၵႃႈ​ၼိူဝ်​မိူင်း​ၵၢင်​ႁၢဝ်​ပုၼ်ႉ​ဢေႃႈ။- ၽူႈ​လႂ်​သေ​ဢမ်ႇ​ဝႃႈ ၵေႃႉ​ဢၼ်​ထဵင်​ပႅတ်ႈ​ၵဝ် ၵႃႈ​တီႈ​ၽၢႆႇ​ၼႃႈ​ၵူၼ်း​တင်း​လၢႆ​ၼၼ်ႉ၊ ၵေႃႉ​ၼၼ်ႉ​ၸိုင်​ၵဝ်​တၵ်း​ထဵင်​ပႅတ်ႈ ၵႃႈ​တီႈ​ၽၢႆႇ​ၼႃႈ​ပေႃႈ​ၵဝ် ဢၼ်​မီး​ယူႇ​ၵႃႈ​ၼိူဝ်​မိူင်း​ၵၢင်​ႁၢဝ်​ပုၼ်ႉ​ဢေႃႈ။

ႁႂ်ႈ​ၶဝ်​ၸိူဝ်း​ဢၼ်​ၸဵပ်း​ဢၼ်​သႅပ်ႇ​ၼၼ်ႉ ၶႅၼ်း​မႃး​တႃႉ။ ႁႂ်ႈ​ၶဝ်​ၸိူဝ်း​ဢၼ်​ပဵၼ်​တုတ်ႈ​ၼၼ်ႉ မူတ်း​သႂ်​တႃႉ။ ႁႂ်ႈ​ၶဝ်​ၸိူဝ်း​ဢၼ်​တၢႆ​ၼၼ်ႉ လုၵ်ႉ​ၶိုၼ်း​တႃႉ။ ႁေႃႈ​ၽီ​ႁၢႆႉ​တင်း​လၢႆ​ဢွၵ်ႇ​ပႅတ်ႈ​တႃႉ။ သူ​ယင်း​ဢမ်ႇ​ပၼ် ၵႃႈ​မၼ်း​ၶၼ်​မၼ်း​လႄႈ လႆႈ​ၶၢမ်ႇ​ဢဝ်​ယဝ်ႉ။ ယင်း​ဢမ်ႇ​ဢဝ်​ၵႃႈ​မၼ်း​ၶၼ်​မၼ်း​လႄႈ​ပၼ်​တႃႉ။

ပိူဝ်ႈ​ၼႆ​လႄႈ ယႃႇ​ပေ​ၵူဝ်။ သူ​ယဵင်ႈ​ၶႅၼ်း​မျၢတ်ႈ​ၼႃႇ​သေ​ၼူၵ်ႉ​ဢႅၼ်ႇ​ၽႃႉ​တင်း​လၢႆ​ၼၼ်ႉ ၼမ်​ၼႃႇ​ဢေႃႈ။

သူ​ယႃႇ​ပေ​ထၢင်ႇ​ၵဝ်​မႃး ႁႂ်ႈ​လႆႈ​ပွႆႇ​ၸႂ်ႉ​တၢင်း​ၼိမ်​ၵႃႈ​ၼိူဝ်​လိၼ်​မိူင်း​ၼႆႉ။ ၵဝ်​မႃး​ႁႂ်ႈ​လႆႈ​ပွႆႇ​ၸႂ်ႉ​တၢင်း​ၼိမ်​ဢမ်ႇ​ၸႂ်ႈ။ ၵဝ်​မႃး​ႁႂ်ႈ​လႆႈ​ပွႆႇ​ၸႂ်ႉ​လၢပ်ႇ​ၸႂ်ႉ​လႅဝ်း​ဢေႃႈ။